ni Franklin
P. Gumapon
DIPOLOG CITY, May 30 (PIA) - - Gikatakdang molarga si Pangulong Benigno
Simeon C. Aquino III sa United Kingdom karong Hunyo 4-5 isip bisita sa kagamhan
sa nasampit nga nasud.
Mao kini unang pagbisita ni Pangulong Aquino sa maong nasud human siya
milingkod isip presidente kaniadtong 2010.
Inig abot ni Pangulong Aquino didto, makigtagbo siya ni Primero Ministro
David Cameron sa 10 Downing Street diin ilang pagahisgutan ang political and
economic cooperation tali sa duha ka mga nasud, ang partisipasyon sa UK sa
international contact group (ICG), regional issues ug ang pagsumpo sa korapsyon
ug kahiwian sa kagamhanan.
Makigtagbo usab si Aquino sa mga magpapatigayon sa London, mosalmot sa
Philippine fun tourism campaign sa Department of Torurism ug makig-kita sa mga
kaigsoonang Pilipino nga tua karon nanarbaho ug nanimuyo didto.
Ang Pilipinas ug UK adunay hataas na nga diplomatic relations nga
nagsugod pa niadtong 1946.
Ang UK maoy nag-unang investor dinhi sa nasud gikan sa Uropa, trading
partner, ug dakung merkado sa turismo sa Uropa diin maoy gipuy-an usab sa
daghanang Pilipino. (FPG/PCOO/PIA-Zamboanga del Norte)
