ni Alfonso T. Ruda
DIPOLOG CITY, MAY 30,(PIA)—Gidayeg sa Malakanyang ang disisyon
sa senado nga nagkombikto kang Supreme Court Chief Justice Renato Corona uban
ang pag-ingon nga ang disisyon usa ka dakong paglukso pabalik sa kompiyansa sa publiko
sa sistema sa hudikatura sa nasod.
“Kagahapon,
20 ka mga senador ang mibotar ug nagkombikto kang Corona sa Article II sa
Articles of Impeachment. Ang atong Democratic Institutions napalig-on ug
napamatud-ang nagtrabaho,” matod pa ni Deputy Presidential Spokesperson sa usa ka
pahayag human nga mipakanaog ug disisyon ang senado.
“Si
Ginoong Corona usa lang ka nawong sa publiko nga nakadaot sa atong sistema sa
hudikatura. Dili nato kalimtan nga kadtong miduol sa hukmanan, makabus man o
ma-adunahan mihimo niini, uban ang pagtoo nga madawat nila ang patas nga
hustisya gikan niadtong nagpatuman sa diwa ug unod sa balaod” dugang pa ni
Valte.
Ang
mga senador mihatag sa makabungog nga boto, diin 20 k kanila ang nagdisisyon
pagpalagpot kang Corona gikan sa buhatan. Tulo lang ka mga senador ang
nag-abswelto kaniya.
Ang
disisyon sa senado nagbutang kang Corona isip labing unang opisyal sa gobyerno
nga nakombikto pinaagi sa impeachment court.
Human
ang 43 ka adlaw nga husay, mayoriya sa mga senado nagdisisyon pagkombikto kang
Corona pinasikad sa argumento nga dili na angay magpabilin sa puwesto ang
Hepeng Mahistrado gumikan sa iyang pagka-dili matinud-anon ug kapakyas
pagdeklarar sa iyang mga kabtangan sa iyang statement of Assets, Liabilities
and Networth.
Ang
senado nga milingkod isip impeachment court mihusay kang Corona base sa tulo ka
artikulo sa impeachment complaint nga gipasaka sa Ubos Balay-Balaoranan batok
kaniya.
Lakip sa mga senador nga mikombikto kang Corona mao
sila si senador Edgardo Angara, Alan Peter Cayetano ug Pia Cayetano, Franklin
Drilon, Francis Escudero, Jose “Jinggoy” Estrada, TG Guingona, Gregorio
“Gringo” Honasan, Panfilo Lacson, Lito Lapid, Loren Legarda, Sergio Osmena
III, Francisco “Kiko” Pangilinan, ug Koko Pimentel, Ralph Recto, Ramon “Bong”
Revilla, Tito Sotto, Antonio Trillanes, Manuel Villar, ug presiding officer
Juan Ponce Enrile.
Samtang sa laing bahin, sila lamang si Senador Joker
Arroyo, Ferdinand Marcos Jr., ug Miriam Santiago ang mibotar pabor para i-abswelto
si Corona. (ATR/PCOO/PIA9-Zambo Norte)
|
