PAGADIAN CITY, March 3 (PIA) – Samtang adunay mga grupo nga wala misuporta sa reform agenda sa kagamhanan, si Presidente Benigno S. Aquino III nagkanayon ning Bieyernes nga ang mga Pilipino nagsugod na pag-ani sa mga bunga sa dalan sa matarong nga gihimo sa iyang administrasyon.
Sa interview sa Calapan, Oriental Mindoro atol paglusad sa energy project, ang Presidente mipahayag sa mga tigbalita nga siya ang nakadawat sa kasayuran mahitungod pagkunhod sa mga grupo nga misupak sa iyang administrasyon ilabi na sa nagpahigayon ug mass actions.
“Sa among pagtuo, adunay kalamboan sa ekonomiya, atong gilauman nga duha ka tuig sa dili pa ang paglambo niini. Kung inyong tan-awon ang stock market index, ang pagtuo sa atong administrasyon, ingon ana kadako ang kausaban,” ang Presidente nagkanayon nga nagtumbok sa ekokomikanhong kalamboan sa nasud.
Matud pa niya nga sila ang wala nagtuo nga ang 22 porsiento sa kinatibuk-ang output sa Philippine Economic Zone Authority (PEZA) ang nahimo sulod sa napulo’g walo ka bulan sa kasamtangan nga administrasyon.
Ang Presidente mihisgot usab sa mga prayoridad sa kagamhanan sa housing, ilabi na ang informal sector. Matud pa niya nga sa nakalabay walay administrasyon ang nakahatag ug halawom nga atensyon sa pagsulbad sa mga problema sa housing sector.
“Karon aduna kita’y P10 bilyones nga gitagana para nila. Aduna kita sa sulod sa napulo’g lima ka mga bulan, 50,000 nga mga balay sa mga anaa sa uniformed services, nga dugang sa mga informal settler sector,” matud pa niya.
Sa agriculture sector, ang Presidente miingon nga si Agriculture Secretary Proceso Alcala mihatag kaseguruhan kaniya nga ang pagkab-ot sa rice self-sufficiency sunod tuig nagpabilin nga makab-ot nga target sa kagamhanan.
Ang hepe ehekutibo nagkanayon nga siya ang gipahibalo sa mga opisyal gikan sa health care sector nga ang universal healthcare program sa kagamhanan ang mahimo.
“Sa akong pagtan-aw, samtang atong gipahimuslan ang mga benepisyo sa usa ka demokrasya nga tinuod nga nagserbisyo sa katawhan,mas molig-on pa ang atong suporta paingon sa tul-id nga dalan,” ang Presidente nagkanayon. (GCC/PCOO/PIA9-ZamboSur)
