DIPOLOG CITY, MAR.1(PIA)--- Ang Technical Education and Skills Development (TESDA), nga naila isip numero unong tighatag ug maayong kalidad sa technical-vocational education misaad nga mo-prodyus ug 5.3 ka mga certified graduates sa pagtapos sa termino ni Presidente Benigno Aquino III sa 2016.
Sa iyang pagpakigtagbo sa mga dagkong opisyal sa usa ka General Directorate Conference, si TESDA Director-General Joel Villanueva mihatag ug marching orders alang sa dugang enrollment ug trabaho alang niadtong mogradwar, pagsulbad sa mga problema kabahin sa operasyon ug pag-improve sa kalidad sa mga kurso aron maabot ang ilang target.
“Sa pagtapos sa termino ni Presidente Aquino sa 2016, gusto namong mahinumdoman kami nga nakatampo ug 5.3 ka TESDA-certified workers o TESDA specialists nga maoy among tawag kanila, nga makakitag trabaho o makadumala ug ilang kaugalingong patigayon,” matod pa ni Villanueva.
“Ang direksyon sa TESDA karon mao ang pa-abot ngadto sa kinaubsan ug paghatag kanila ug gahum uban ang de-kalidad vocational education ug magdala kanila ug trabaho pinaagi sa pagbansaybansay sa mga benepisyaryo, paghatag kanila ug abot o kita aron mapalambo ang ilang kinabuhi ug panginabuhian sa komunidad,” dugang pa sa opisyal.
Gitawag sa hepe sa TESDA ang atensiyon sa mga opisyal sa ahensiya nga makigtagbo sa pipila ka mga tawong nag-enroll, sa mga migradwar na, pag-assess ug pag-sertipika sa mga migradwar ug sa ngadto-ngadto pagmonitor kanila nga nagtrabaho ug dunay kita.
Gihisgutan ni Villanueva ang mga ginansiya s a TESDA sa miaging tuig, nga matod pa niya, mihatag ug bag-ong kinutuban, lakip na ang malampusong PNoy Bayanihan School Furniture Production Project nga nag-convert sa mga nakompiskang kahoy ug paghimo niini nga kagamitan sa tunghaan.
Ang proyekto gipatuman uban sa pakigtambayayong sa Department of Education; Department of Environment and Natural Resources; ug Philippine Amusement and Gaming Corporation.
Aktibo usab ang TESDA pagsalmot sa K to 12 Summit nga nakatabang pag-ila sa ilang papel ilalom sa gipalapdang Basic Curriculum. Mitabang usab kini paghatag ug hinabang sa mga lugar nga naigo sa kalamidad, partikularmente pinaagi sa mga proyekto nga nanguha ug water lilies ug naghimo niining bag.
Gi-awhag ni Villanueva ang mga field units paglig-on sa relasyon sa media para sa pagpadagan sa mga programa sa ahensiya. Iya usab nga gimanduan ang mga rehiyonal nga buhatan sa TESDA nga regular nga maghatag ug updates aron masayod ang publiko sa mga nahimo sa ahensiya(PCOO/ATR/PIA9-Zambo Norte)
