ni Alfonso T. Ruda
DIPOLOG CITY, DEC.
14(PIA)---Dungan sa
paghan-ay sa iyang plano sa sektor sa agrikultura, subling gipasalig ni
Presidente Benigno Aquino III nga ang supisyenteng supply sa pagkaon sa nasod ang
nag-unang prayoridad sa iyang administrasyon.
Sa
iyang pagpakigpulong atubangan sa mga mag-uuma ug mangingisda nga mitambong sa
gipahigayong “Gawad Saka Awards, ang
presidente nagkanayon nga “nagpabiling nag-unang prayoridad sa gobyerno ang
pagpahimsog sa agriukultura, tungod kay nasayod man usab ang tanan nga manganak
usab kini ug paglambo sa atong ekonomiya.”
Lakip
niining maong plano ang farm-to-plate strategy nga magpadali sa mga serbisyo sa
gobyerno ngadto sa mga mag-uuma ug mga mananagat aron masiguro nga ang ilang abot smaka-abot gayod sa
talad-kan-anan sa matag Filipino.
Ang
estratehiya naglakip sa pagbansay-bansay sa mga personahe alang sa mga maayong paagi
sa pagpanguma, kasiguroan sa pagkaon ingon man pagggamit sa mga modernong teknolohiya
sa pagpanguma ug pagpangisda aron modaghan ang ilang produksyon.
Misulod usab ang gobyerno ug bilateral
agreements uban sa laing mga nasod aron
masiguro ang merkado sa mga produkto sa kaumahan ug kadagatan.
Ug
aron makuhaan ang epekto sa kausaban sa klima sa mga manginigsda ug mag-uuma,
matod pa sa Presidente, gisugdan na karon sa gobyerno ang pagpondo ug maayong
kalidad sa binhi nga magamnit sa mga mag-uuma.
Sa
pagkakaron nagpadayon ang gihimong pagtoon sa mga eksperto kabahin sa mga binhi
nga makasugakod sa tanang matang sa panahon. Sa samang higayon, gi-paila usab
sa gobyerno ang organic farming nga pamaagi ug balanseng pag-abono.
Sama
sa mag-uuma nga nagpugas ug binhi alang sa abundang ani, ang Presidente miingon
nga gipatuman usab sa iyang administyrasyon ang mga reporma aron masumpo ang
korupsyon sa sgobyerno aron mas daling molambo ang atongh naso.d
Si
Presidente Aquino mao ang nangulo sa
paghatag ug pasidungog sa 22 ka mga mag-uuma
ug mangingisda, ingon man kahugpungan sa mga mag-uuma ug mangingisda gumikan sa
ilang mahinungdanong kontribusyon sa pagpabarog ug pagpalambo sa nasod.(ATR/PIA9-Zambo Norte)
