ni Alfonso T. Ruda
DIPOLOG CITY, DEC.
14(PIA)--- Gipanguluhan
ni Presidente Benigno Aquino III ang paghatag ug pasidungog sa mga malampusong
mga mag-uuma ug mangingisda pinaagi sa Gawad Saka Awards Ceremony nga
gipahigayon sa Malakanyang kagahapon, Disyembre 13..
Sa
iyang mensahe human gitunol ang pasidungog sa mga awardees, gihatagan ug punto
ni Presidente Aquino nga ang Gawad Saka maoy pagpakita sa dakong potensyal sa
nasod sa natad sa agrikultura para sa nasudnong ekonomiya ug kinabuhi sa mga
Filipino.
“Sama
sa usa ka mag-uuma nga padayong nakigbatok sa peste ug sakit nga motakboy sa
iyang mga tanom, ang akong administrasyon nagpatuman usab ug mga reporma aron
mas daling makab-ot sa nasod ang atong gidamgong kalambuan.
“Ang
sektor sa agrikultura mao kanunay ang nag-unang prayoridad sa akong
administrasyon ug gani duna nay gihan-ay nga plano ang gobyerno aron labi pang
mapalambo ang sektor sa agrikultura sa
umaabot nga panahon ,” matod pa sa Presidente.
Gihimong
panag-ingnan ni Presidente Aquino ang paggahin sa nasudnong kagamhanan ug 61
bilyones ka pesos sa tinuig nga pahat sa Department of Agriculture para sa tuig
2012, nga mas taas ug 60 porsiento kay sa pahat niini sa miaging tuig.
Ang
mga Gawad Saka awardees naglakip sa mga mosunod: Anna Cagulada (Davao del
Norte), integrated rice farming; Alfredo Roble (Leyte), hybrid rice farming;
Diosdado Bermudez (Ilagan, Isabela), corn farming; Wilfredo Martinez (San Luis,
Aurora), coconut farming; Roberto Cauilan (Solana, Cagayan), sugarcane farming;
Francisco Ching (Mankayan, Benguet), high value crops farming; Ian Neo (Apokon,
Tagum City), agri-entrepreneur; Benjamin Lao (Bansalan, Davao del Sur), organic
farming;
Danilo
Trongco (Lagangilang, Abra), fish culture; Eddie Amorada (Sta. Ana, Cagayan),
fish capture; Desiderio Lou (Bacong, Negros Oriental), large animal raising;
Genice Dalisdis (Tuba, Benguet), small animal raising; Anthony Suguitao
(Aroroy, Masbate), young farmer; Ceferino Dureza and family (Brooke’s Point,
Palawan), farmer; Cabacungan 4H Club (Allen, Northern Samar), young
farmers/fisherfolk organization;
Balidbid
Ric (Salcedo, Ilocos Sur), Rural Improvement Club; Calumpit Multi-purpose
Cooperative (Sablayan Occidental Mindoro), small farmer/fisherfolk
organization; Kayapa Nueva Viscaya MAFC (Nueva Viscaya), city/municipal
agricultural and fishery council; Barangay Rebokon (Dumalinao, Zamboanga del
Sur), outstanding barangay food terminal; Sayapot MPC (Tadian, Mt. Province),
outstanding barangay food terminal; Bani FARMC (Bani, Pangasinan), fisheries
and aquatic resources management council; and Carlso dela Cruz (Abuyog, Leyte),
agricultural scientist.
Sa
ilang naangkon nga pasidungog, ang mga awardees nakadawat ug ganting salaping
cash ug agri-fishery grants, ingon man Presidential citation ug Gawad Saka
trophy.
Ang
14 ka mga individual national winners nakadawat usab ug 100 mil pesos, samtang
ang 8 ka mga group winners nakadawat usab ug projects grants gikan sa 150 mil
ngadto sa 350 mil pesos. Ang tanang mananaog pulos nakadawat ug Presidential
citation.Ang Gwad Saka nga nagsugod niadtong 1970, usa na ka tinuig nga
kompetisyon tali sa mga mag-uuma, mangingisda, nagbuhi ug mga hayupan,
kahugpungan sa mga mg-uuma ug mangingisda ug mga organisasyon. Gipahigayon kini
sa tibuok nasod pinaagi sa Department of Agriculture, uban ang pakigtambayayong
sa mga kagamhanang-lokal, academe, ug priobadong sector isip pasg-iula sa
kontribusyon sa mga mag- uuma ug mangingisda sa kalambuan sa nasod.
(ATR/PIA9-Zambo Norte)
