ni Alfonso T. Ruda
DIPOLOG CITY, DEC. 28 (PIA)--- Sukad pagsugod sa administrasyong Aquino, miabot na sa 83 ka kasong dunay kalabutan sa dili pagbayad ug buhis nga nagkantidad ug 35.76 bilyones ka pesos ang napasaka sa Bureau of Internal Revenue sa Department of Justice.
Niining maong gidaghanon sa kaso, 19 ka kaso ang naresulba na sa DOJ, diin 87 porsiento niini ang nadisisyonan pabor sa BIR.
Kadaghanan sa mga nalambigit sa kasong tax evasion mao ang mga professionals.
Sumala pa sa Professional Regulations Commission, dunay kapin kon kulang 3 milyon ka mga professionals ang narehistro sa Pilipinas.
Kini gilangkuban sa 190 milyon ka mga doktor ug abogado nga nangayo ug dagkong bayad gikan sa ilang mga kliyente.
Ang BIR nakapasaka na ug 59 ka kasong tax evasion karong tuiga nga nagkantidad ug 22.6 bilyones ka pesos.
Ang individual income tax account milangkob sa ikalima ka bahin sa kinatibuk-ang koleksyon sa BIR, diin ang labing dakong bahin gilangkuban sa mga empleyado kang kan sang suweldo otomatiko nang gikuhaan sa ilang mga employer.
Naglaum si BIR Deputy Commissioner Estela Sales nga ang programang Run After Tax Evaders magdasig unta sa katawhan nga mahimong magmabinantayon ug motaho dayon sa gobyerno sa kinsa mang dili magbayad ug tukmang buhis.
Matod pa ni Sales, ang RATE Program dako ug nahimo karong tuiga, particular sa natad sa mga gitawag nga mga high-profiled cases.
“Mapasigarbuhon kami sa among nahimo. Sa miaging tuig, ang batting average sa BIR sa DOJ nakadismaya kaayo, kon maoy basehan ang gidaghanon sa mga kasong nasang-at sa hukmanan. Karon, mas daghan na ang mga kasong nasang-at sa Court of Tax Appeals,” matod pa ni Sales. (ATR/PIA9-Zambo Norte)
