ni Espie Cantoneros
DIPOLOG CITY, Nov. 10 (PIA) -- Lagmit mawagtang na ang mga bakhaw(mangoves) kon magpadayun ang pagpasipala niini sa mga katawhan.
Kini mao ang pamahayag ni Provincial Environment and Natural Resources Officer (PENRO) Carlito Tuballa sa pagpakighinabi sa City Information Office (CIO)ning dakbayan karong bag-o.
Ang bakhaw kon mangroves diha motubo sa bukana sa mga suba ug sa coastal belt nga maoy magsilbing pinuy-anan sa mga similya sa isda ug uban pang buhing dagat.
Matod pa ni Tuballa, ang kabakhawan nag-atubang karon sa kakuyaw tungod sa pagbutang ug mga fishpond, pag-himo ug pantalan, ug bisan na sa mga housing projects.
Dugang makadaut sa kabakhawan mao ang global warming ug pollution nga maoy hinungdan sa mga pagbaha ug pagkaguba sa mga gitubu-an sa paghaw.
Aron mapanalipdan ang kabakhawan ug kinaiyahan, gi-awhag ni Tuballa ang katawhan nga ampingan ang nahibiling bakhaw, amomahon kini tungod kay ang maong mga kahoy maoy nagprotehir sa mga buhing dagat kay kini maoy ilang pasilongan panahon sa ting-init ug tingbaha. (JPA/FPG/E. Cantoneros/PIA-
Zambonga del Norte)
