Ni Alfonso T. Ruda
DIPOLOG CITY, JULY
24,(PIA)--- Si
Presidente Benigno Aquino III misaad nga iyang ipang-apod-apod sa mga lehitimong
benepisyaryong mag-uuma ang tanang yutang
sakop sa Comprehensive Agrarian Reform Program Extension with Reform (CARPer) panahon
sa iyang administrasyon.
“Ang
akong inahan maoy nagsugod sa Comprehensive Agrarian Reform Program. Busa makatarunganon
lang usab nga makakita sa iyang katumanan kining maong programa sulod sa akong
temrino,” matod pa ni Presidente Aquino sa iyang ikatulong State of the Nation
Address atubangan sa hiniusang sisyon sa 15th Congress kagahapon didto
sa Batasan Pambansa sa Dakbayan sa Quezon.
Ang
Hepe Ehikutibo nagpabiling committed nga makompleto ang katuyoan sa CARPER ug
makab-ot ang matuod nga agrikulturanhong kalambuan dinhi sa nasod.
“Ato
nang napalambo ang sistema, busa mas episyente na natong matuman ang matuod nga
repormang agraryo., Gihimo sa gobyerno ang tanan diha sa iyang gahum nga
siguradong maangkon sa atong mga mag-uuma ang uma nga ilang gitikad ug
gipatuloan ug singot sulod sa dugay na kaayong panahon,” matod pa sa Presidente.
“Apan
duna pa gihapoy gustong mobabag kanato. Ako silang giingnan, sundon nato ang balaod.
Ang balaod miingon, ang nasod miingon ug ako moingon, Sa dili pa ako manaog
pagkahuman sa akong termino karong 2016, ma-apod-apod na ang tanang mga yuta
nga sakop sa CARP,” panapos pa ni Presidente Aquino. .(ATR/PCOO/PIA9-Zambo Norte)