ni Franklin P. Gumapon
DIPOLOG CITY, July 7 (PIA) - - Namahayag kaniadtong
Biyernes ang Palasyo nga nag-laum ang kagamhanang Aquino nga mosaka pa ang
foreign direct investments (FDI) karong tuiga kon itandi sa miaging tuig.
Gibutyag ni Presidential Spokesman Edwin Lacierda
nga misaka ang foreign direct investment dinhi sa nasud mikabat na sa $850
million sa unang tulo kabulan ning tuiga sumala sa taho sa Bangko Sentral ng
Pilipinas (BSP).
Ang maong pamahayag ni Lacierda nanghimakak sa taho
sa United Nations Conference on Trade and Development (UNCTAD) nga nagsugid nga
ang Pilipinas napakyas sa pagkab-ot sa gilauman nga FDI inflows ug igo lang
nagsunod sa ubang mga nasud sa Southeast Asia ug milampas lang kini ug gamay sa
mga pobreng nasud sa Lao, Brunei, Myanmar ug Cambodia.
Gitin-aw lamang sa Palasyo ang maong report sa
UNCTAD ilabina nga ang gibasehan niini mao ang 2011 figures nga adunay FDI
investments nga mibalor ug $1.262 billion lamang.
Gipasabot usab ni Lacierda nga ang $850,000 FDI sa
unang tulo ka bulan ning tuiga mas taas kon itandi sa susamang unang tulo ka
bulan sa nakalabay’ng tuig.
Ang natala nga FDI sa unang kwarter sa miaging tuig
mikabat lamang sa $493 million. (FPG/PCOO/PIA-Zamboanga del Norte)