ni Alfonso T. Ruda
DIPOLOG CITY, JULY
12(PIA)---Gidawat
kagahapon ni Presidente Benigno Aquino III didto sa Malakanyang ang grupo sa
mga mamumuhunan sa pagpangulo sa negosyanteng Hapon nga si Toshimasa Iue,Chief
Executive Officer sa LIXIL Global Company aron hisgutan ang kabahin sa planong
pagpalapad sa operasyon sa ilang kompaniya dinhi sa Pilipinas nga maghatag ug
dugang ekonomikanhong oportunidad para sa mga Filipino, ingon man dugang
paglambo sa ekonomiya sa nasod.
Sa
gipahigayong courtesy call didto sa Music Room sa Malakanyang niadtong
Miyerkules sa buntag, nagtagbo sila si Iue ug Presidente Aquino ug nagbinayloay
ug mga hunahuna uban sa grupong gilangkuban nila ni Felipe Bernardo, country
manager sa American Standard; Ken Ng,
CEO sa LIXIL Asia, Miho Watanabe ug igsoon sa Presidente nga si Balsy
Aquino-Cruz.
Sa
pakighinabi human sa courtesy call, gipahayag ni Bernardo nga nagplano ang
American Standard LIXIL nga mopalapad sa ilang patigayon dinhi sa Pilipinas.
Ang negosyo sa grupo naglangkob sa paghatag ug construction building materials sama
sa pultahan, bintana, ug uban pang parte sa balay.
Ang
LIXIL Corp., sa iyang bahin, naghimo ug nagbaligya ug mga building materials ug
mga kagamitan sa panimalay. Nagtanyag usab kini ug kagamitan sa banyo, bintana,
entrance doors, tiles, sanitary fixtures sama sa basins, gripo, ug mga
accessories, ug interior furnishing materials, lakip na ang interior doors,
sliding doors, storage system, ug flooring materials.
Ang
kompaniya nagsilbi sa ilang mga customers sa Japan ug silingang mga kanasuran.
Ang LIXIL, nga nakabase sa Tokyo, Japan nadiskubrihan niadtong 2001. Gawas sa
Japan, duna usab kiniy patigayon sa Tsina, Hongkong, Vietnam, Korea, Taiwan,
Malaysia, Thailand, Singapore, India, Indonesia, Australia, Pilipinas, Canada,
Estados Unidos, Croatia, France, Germany, Ireland, Italy, Russian Federation, Switzerland,
Spain, United Kingdom, Qatar ug United Arab Emirates. Ang LIXIL Corp., nag-operate isip subsidiary sa JS Group Corp. (ATR/PCOO/PIA9-Zambo Norte)