Palasyo nag-awhag sa mga Pilipino dili moadto sa Syria

Ni Gideon C. Corgue

PAGADIAN CITY, June 18 (PIA) – Ang Malakanyang nag-awhag sa mga Filipino nga dili modayon sa ilang desisyon nga motrabaho o bakaha modawat ug trabaho sa Syria samtang ang gubat sa tunga-tungang sidlakan nga nasud nagpadayon nga misamot.

Ang maong panawagan gipagula ni Deputy Presidential Spokesperson Abigail Valte atol sa press briefing nga gisibya sa dzRB Radyo ng Bayan ning Domingo.

Matud pa niya nga ang kagamhanan ang nagpunting sa iyang mga paningkamot sa pagkuha ug mga overseas Filipino workers gawas sa Syria sa labing madali nga panahon aron pagpugong sa bisan kinsa sa atong mga katagi-lungsod sa pagbutang niini sa malisud nga kahimtang.

Si Valte mihatag kasegujruhan sa mga OFWs nga ang mga mga kawani sa Overseas Workers Welfare Administration, ang Philippine Overseas Employment Administration ug ang Department of Labor and Employment ang andam na nga motabang sa mga Pilipino pagpauli ug mangita sa ikahalili nga dapit nga katrabahoan sa laing mga nasud.

Bisan pa sa nagpadayon nga ban sa mga OFWs nga moadto sa Syria, si Labor Attaché Angel Borja nagkanayon sa pinakaulahi nga taho ngadto kang Labor Secretary Rosalinda Baldoz nagkanayon nga 100 nga mga Pilipino ang miabot sa Syria kada bulan.

Matud pa ni Borja nga ang Syria nagpabilin nga ilawom sa crisis alert level 4 kinsa ang Department of Foreign Affairs mideklara niadtong Desyembre 2011.

“Ilawom ning maong alert level, adunay nagpadayon nga mandatory repatriation sa mga Filipino nationals gikan sa Syria,” matud pa ni Baldoz.(GCC/PCOO/PIA9-ZamboSur)