Malakanyang mihatag kaseguruhan sa contingency measures sa mga biktima sa baha sa Mindanao

Ni Gideon C. Corgue


PAGADIAN CITY, June 14 (PIA) – Ang Malakanyang mihatag kaseguruhan nga ang kagamhanan mipahimutang sa mahinungdanon nga contingency measures alang sa mga biktima sa flashfloods sa isla sa Mindanao nga naigo sa kalit nga pagtaas sa tubig tungod sa mapadayonong pagbundak sa makusog nga ulan ning nakalabay nga Martes.

Sa usa ka regular press briefing sa Malakanyang ning Miyerkoles, si Presidential Spokesperson Edwin Lacierda nagkanayon nga ubay-ubay ka mga hingtundang ahensya sa kagamhanan nga gipanguluhan sa National Disaster Risk Reduction and Management Council (NDRRMC), Department of Social Welfare and Development (DSWD), Office of Civilian Defense (OCD), Philippine Navy ug Philippine Coast Guard ang nagpunting sa ilang responsibilidad aron pagtubag sa mga panginhanglan sa mga biktima ug pagpahunong sa mga epekto sa baha sa mga naapektuhan nga mga dapit.

“Ang  NDRRMC ug DSWD mitanyag sa 350 nga giputos nga mga pagkaon sa Sultan Kudarat , ug 53 sa Kidapawan. Sa Sarangani duha ka mga tawo ang nawagtang, ug ang NDRRMC miluwas sa 40 ka mga tawo gikan sa pagbaha,” matud pa ni Lacierda.

Gidugtong pa niya nga gawas sa hinabang sa nasudnong kagamhanan, ang kagamhanang lokal mihimo usab sa ilang mga paningkamot pagtabang sa mga naapektuhan nga mga mulupyo sa nasangpit nga dapit.

“Si Gobernador Miguel Rene Dominguez ug Mayor Victor James Yap mihatag ug mga relief goods . Ang PDRRMC Sarangani ug NDRRMC Glan uban ang Office of the Civilian Defense Region 12, Philippine Navy ug Philippine Coast Guard ang mihimutad sa sitwasyon. Sila ang nagpahigayon ug ocular survey ug  damage assessments ingon man ang needs analysis sa maong dapit,” dugtong pa ni Lacierda.

“Kita ang nagpaibabaw niini, ang  DSWD nagpahimutang na sa mga goods sayo pa sa Hunyo 11,” dugtong pa niya.

Sa buntag sa Hunyo 12, ang baha mihampak sa tulo ka mga barangay nga naglakip sa Barangays Big Margus, Pangyan ug Cross sa Glan, Sarangani province nga naka-apketar sa 568 nga mga tawo ug nakaguba sa kinatibuk-an nga 162 nga mg balay, samtang ang 111 ang katunga nga nangaguba.

Ang duha ka mga patay nga naila sa  NDRRMC nga sila si Sagapo Cabigding, 63 anyos sa Purok 5, Brgy. Cross, Sarangani ug 40 anyos nga si Rolando Mata sa Brgy Saeg Calumpang, dakbayan sa  General Santos.

Ang 15 anyos nga si Rani Pregoner sa Kabatiol, Maasim ang hangtud karon wala pa makita.

Ang gamay nga Margus Bridge ug Pangyan Bridge ang katunga naguba nga gigusbat sa baha. (GCC/PCOO/PIA9-ZamboSur)