ni Alfonso T. Ruda
DIPOLOG CITY, JUNE 17(PIA)--- Padayong karong gitrabaho sa
gobyerno nga maka mugna ug daghang trabaho, ingon man pagsiguro nga kadtong
nangita ug trabaho makakita ug trabaho nga tukma sa ilang nahuptang katakos,
sumala pa sa usa ka opisyal sa Palasyo.
Sa
usa ka interview sa RZRB, Radyo ng Bayan niadtong Sabado, gipatin-aw ni Deputy
Presidential Spokesperson Abigail Valte kon unsay gihimo sa gobyerno ng
masulbad ang problema sa kawalay trabaho ug ang pagmugna ug daghang trabaho.
“Ang
gusto nsmo dili lang trabaho… gusto namo ang trabaho nga tukma sa katakos ug kon pila usab ang dapat nga isuhol kanila.
Gitun-an na sa Department of Labor and Employment ang “job mismatch” konproblema
sa dili panagtugma sa trabaho ug katakos,” dungan ang pag-ingon ni Valte nga
nagpadayon na karon ang pagtinabangay sa DOLE ug TESDA aron masulbad kining
maong problema sa umaabot nga mga adlaw.
“Kining
maong inisyatibo wala pa maglakip sa padayong tanyag sa TESDA ug uban pang
ahensiya sa gobyerno nga nga makahatag ug pagbansay-bansay sa mga Filipinong
trabahante aron ma-upgrade o mapalambo ang ilang katakos,” matod pa ni Valte.
Ang
Presidente kanunayng naghisgot niining maong isyo ug iya nang gimanduan ang mga
hingtungdang ahensiya nga magtinabangay ug magpaambit sa ilang mga data sa usag-usa.
Sa
pagsulod sa usa ka estudiante sa kolehiyo ug inibersida, gitambagan sa Presidente
ang mga estudiante sa kadaghan sa mga kurso nga makahatag kanila ug dakong
kahigayonan nga sayon nga makasulod ug trabaho sa ila unyang pagtapos.
Dihang
gipangutana kon nganong daghan gihapon ang walay trabaho, taliwala sa paglambo
sa ekonomiya, si Valte miingon nga kini tungod kay daghan kanila wala usba
mag-praktis sa ilang mga propisyon.
“Pananglitan,
dunay mga propisyon nga nagkinahanglan ug lisensiya sama sa mga abogado, enhinyero,
nars… dunay mga kaso nga misulod sila ug trabaho nga wala magamit ang ilang
gi-eskwelahan,” matod pa ni Valte.
Ang
unang butang nga angayng buhaton mao ang
paghatag sa katawhan ug daghang trabaho nga motukma sa ilang katakos ug
kwalipikasyon, matod pa niya.
“Kon
duna na unyay daghang trabaho, makaangkon na ug kahigayonan kadtong mga walay
trabaho nga mosaka sa lang career ug makakita ug trabaho nga motukma sa ilang
mga katakos,” panapos pa ni Valte.(ATR/PCOO/PIA9-Zambo
Norte)
