ni Claro A.
Lanipa
Pagadian
City, June 13 (PIA) – Pinaagi sa
Students Grants-in-Aid Program for Poverty Reduction (SGP-PA), ang mga tinun-an
kansang pamilya nahisakop sa Pantawid Pamilyang Pilipino Program kon nailhan
usab isip conditional cash transfer program (CCT) dili na problema sa
pag-eskuwela sa kolehiyo.
Ang
maong scholarship program gitumong aron mohatag ug kahigayonan sa takus ug angayan nga mga miyembro sa probreng
pamilya pinaagi sa pagtanyag kanila sa oportunidad nga maka-empleyo sa mas taas
ug dekalidad nga trabaho. Ug sa ingon, motabang sa paghupay sa ilang pamilya
gikan sa kawad-on ug sa susamang higayon makatabang usab sila sa pagtampo sa
nasudnong kalamboan.
Ang
komitiba sa nasudnong SGP-PA gitahasan sa paglantaw sa implementasyon sa
program nga gilangkoban sa Commission on Higher Education isip ang nahaunang
ahensiya ug ang Department of Social Welfare and Development (DSWD) ug
Department of Labor and Employment (DOLE) isip mga miyembro.
“Matod
pa ni DSWD Secretary Corazon Soliman, “ang implementasyon sa SGP-PA kabahin sa
taas ug tagal nga instrumento ug pasalig aron sa pagsumpo sa daotang epekto sa
kawad-on sa katawhan. Ang tinguha sa
Inter-agency ang gisangonan aron maseguro nga mopadayon ang Pantawid Pamilya ug
ang SGP-PA maoy mopasundayag niini.”
Ang
Pantawid Pamilya mao ang usa ka programa sa nasudnong pangagamhanan sa pagpalambo
ug istratehiya sa pagpanalipod sa tawo, nga namuhunan sa panglawas ug edukasyon
sa mga kabataang kabus 0-4 ang pang-edaron. Pinaagi sa programa sa SGP-PA, ang
educational grants alang sa mga pobreng pamilya, gipalapdan na karon hangtod sa
kolehiyo. (DSWD/CAL/PIA9)
