ni Alfonso T. Ruda
DIPOLOG CITY, JUNE 20(PIA)--- Si Presidente Benigno Aquino
III miingon nga nagpabiling tinguha sa iyang administrasyon nga ipadayon ang
kampanya batok sa illegal logging aron masiguro ang pagpanumbalik ug
pagpreserbar sa kalasangan sa nasod alang sa umaabot nga henerasyon.
Sa
iyang pagpakigpulong atol sa pagsaulog sa ika-25 ka tuig nga anibesaryo sa
Department of Environment and Natural Resources(DENR), didto sa Heroes Hall sa
Malakanyang niadtong Martes, si Presidente Aquino nagkanayon nga iya nang
gimanduan ang nagkalain-laing ahensiya sa kagamhanan, lakip na ang Department
of Interior and Local Government (DILG), Department of Justice (DOJ) ug DENR nga
ibalhog sa bilangguan ang kinsa mang mapamatud-ang miabuso sa atong kalasangan
pinaagi sa illegal logging.
Gipasidan-an
usab ni Presidente Aquino ang mga nalambigit sa illegal logging nga mag-atubang
sa linugdangan sa ilang mga gihimo ilalom sa iyang administrasyon.
“Tingali,
manduan na sab nato ang Bureau of Corrections nga andamon ang mas dakong lugar nga
bakasyonan niadtong nagtoo nga nagkomedya lang ko,” matod pa ni Presidente
Aquino.
Uban
niining tanang pagpaningkamot nga gihimo, ang Presidente miingon nga nagpaabot
siya ug report gikan sa mga hingtungdang ahensiya sa gobyerno may kalabutan sa
status sa mga programa batok sa illegal logging.
“Naglaum
usab ako nga sa matag bulan nga duna silay report kanako, magakadaghan usab ang
mga madakpan ug makombikto hangtud nga mahurot sila ug magbakasyon na ang tanan
sa Bureau of Corrections,” nagkanayon si Presidente Aquino.(ATR/PCOO/PIA9-Zambo Norte)
