DIPOLOG CITY, JUNE
14(PIA)--- “Ang 2012 Global Peace Index nga miila sa
Pilipinas nga usa sa lima labing malambuong nasod maoy kamatuoran sa
walay-kinatubang pagpaningkamo sa administrasyong Aquino nga mapatunhay ang
kahusay ug kalinaw sa nasod.”
Ang
pahayag giluwatan sa tigpamaba sa Palasyo nga si Edwin Lacierda, human migawas
ang 2012 Global Peace Index, usa ka tinuig nga report sa kahimtang sa kahusay
ug kalinaw sa kalibutan nga hinimo sa Institute for Economics and Peace.
Sa pagsaka ug duha ka ang-ang ngadto sa ika-133 nga
puwesto karong tuiga gikan sa 135
niadtong 2011, ang organisasyon nagkanayon nga ang Pilipinas nagpakita ug mga pagsaka sa pipila ka mga
indicators kon ilhanan.
“Ang report nagkanayon nga kining maong kalambuan
naggikan sa kalambuan sa upat ka mga indicators sama sa homicide rate,
gidaghanon sa mga namatay gumikan sa internal conflict, mga gubot nga demonstrasyon,
ug mga panghitabong may kalabutan sa teroristang kalihokan,” matod pa ni
Lacierda.
Ang 2012 Global Peace Index mipalig-on sa taho sa
Philippine National Police nga nagpakita ug 24 porsiento nga pag-ubos sa
gidaghanon sa nahitabong krimen niadtong 2011, kumpara sa nahitabo niadtong
2010, matod pa ni Lacierda.
Nakita usab sa PNP ang padayong pag-ubos sa
kinatibuk-ang crime rate ug 16.77 porsiento sa unang tulo ka bulan karong
tuiga, kumpara sa susamang panahon sa miaging tuig.
Gawas sa Pilipinas, lakip usab sa listahan sa
nag-unang lima ka nasod nga nagrehistro ug kalambuan sa kamalinawon sa 2012
Global Peace Index mao ang Sri Lanka, Zimbabwe, Bhutan, ug Guyana.
“Kini maoy usa ka kalibutanhong pag-ila sa atong hiniusang papaningkamot nga matubag
ang kaluwasan ug seguridad sa atong katawhan,” matod pa ni Lacierda.(ATR/PCOO/PIA9-Zambo Norte)
|
