Palasyo naglaum nga ang mga ginikanan mosuporta sa K+12 program

Ni Gideon C. Corgue

PAGADIAN CITY, May 19 (PIA) – Ang Malakanyang naglaum nga ang mga ginikanan nga nagpakita ug pagsupak pagsagop sa K+12 program ang hinayhinay nga mosuporta sa bag-o nga inisyatibo nga nagtumong pagpalambo sa sistema sa edukasyon sa nasud.

Sa interview sa dzRB Radyo ng Bayan ning Sabado, si Deputy Presidential spokesperson Abigail Valte nagkanayon nga ang Palasyo nakasabot sa reaksyon sa mga ginikanan mahitungod sa programa.

“Magpadayon unta ang atong pagdawat sa K+12 program. Atong nasabtan nga kung aduna gayud kausaban, adunay usab gamay nga pagsupak, ug gamay nga pagdumili,” matud pa niya sa interview.

“Malaumon kita nga makita sa tanan nga ang program nagtumong paghatag sa atong mga kabataan sa maayo nga edukasyon,” dugtong pa niya.

Ang programa nga K+12 magpuno sa duha ka tuig sa basic education sa nasud ug pagpauswag sa kapabilidad sa mga estudyante kansa nagtinguha nga motrabaho human pagtapos sa ilang pagtungha sa high school. Ang programa usa ka kabahin sa administrasyon ni  Aquino pagreporma sa sistema sa edukasyon sa nasud.

Ang  K+12 nagsugod sa kindergarten, unom ka tuig sa elementary education, upat ka tuig sa junior high school, ug duha ka tuig sa  senior high school. Ang programa gipatuman sa tanang pampublikong tulunghaan sa elementarya ug sekondarya nasud pagsugod ning tuig tingtungha.

Human ang administrasyon ni Aquino naghupot sa gahum, si Valte nagkanayon nga kini ang nakapunting pagsulbad sa halapad nga mga suliran nga nagsamok sa sektor sa edukasyon. 

Kini ang nakasulbad sa kakulangon sa lawak-klasehanan pinaagi sa public-private partnership program, ingon man ang kakulangon sa mga libro.

Ang mga lingkuranan ang gihimo usab gikan  sa mga nasakmit nga illegal nga mga kahoy sa Mindanao uban ang pag-abag sa TESDA, matud pa Valte.

Kalabot sa pagpangandam sa kagamhanan sa pagbukas sa klase sa Hunyo, si Valte nagkanyon nga ang mga ahensya sa kagamhanan ilabi na ang Department of Trade and Industry (DTI) ang nagbantay sa pagpanalipod sa mga konsumante.

“Gipalig-on sa Department of Trade and Industry ang ilang paghimutad sa nakalabay nga semana, adunay mga pahimangno gikan sa DTI kung unsa ang luwas nga school supplies nga angay paleton alang sa mga estudnyante nga mobalik sa pag-eskwela,” matud pa ni Valte.

Ang kagamhanan buot mahatag ang dekaledad nga standard ug ang mga konsumante maprotektahan sa pagpataas ug presyo sa mga produkto sa eskwelahan, dugtong pa niya. (GCC/PCOO/PIA9/ZamboSur)