ni Alfonso T. Ruda
DIPOLOG CITY, MAY 3(PIA)--- Malipayong gidawat sa kagamhanang
Aquino ang labing ulahing kalambuan nga nagbuhi ug balik sa paghisgot sa kalinaw
uban sa mga rebelding komunista.
Hinuon
gipatin-aw sa Malakanyang nga ang sugyot sa gobyerno nagtumong lamang sa
pagsugod sa sinultihay ug dili alang sa pagpakig-alyansa uban sa mga rebelding
komunista.
Di
pa lang dugay, ang Hepe sa mga negosyador sa gobyerno nga si Alex Padilla
miingon nga ang administrasyong Aquino bukas alang sa pagpakig-alyansa uban sa Communist Party of the
Philippines-National Democratic Front, uban ang paghatag ug punto nga ang
panag-alyansa wala magkahulugan ug
koalisyon kon power sharing scheme.
“Ang
gihimo sa peace panel maoy usa ka mekanismo para ang mga problema sa mga walhon
mapagawas ug maistoryahan. Busa usa kini ka forum diin istoryahan ang ilang
problema ug ang ilang sugyot nga solusyon sa problema mapagawas ug mahisgutan,”
matod pa ni Secretary Ramon Carandang sa
Presidential Communications Development and Strategic Planning Office sa
gipahigayong press conference kagahapon.
“Nagtoo
kami nga usa kini ka positibong lakang tungod kay gipakita man sa kagamhanan sa
Pilipinas nga andam kining maminaw sa ilang yangungo ug sa ilang problema nga
miabot pa sa punto nga mitabang pa kini pagmuna ug goodwill, among gidawat
kining maong kalambuan,” matod pa ni Carandang.
Ang
diskusyon sa kalinaw tali sa gobyerno ug mga rebelding Komunista nasuspende
niadtong Nobyembre dihang gisalikway sa kagamhanan sa Pilipinas ang gipangayo
sa mga rebelde nga buhian ang ilang kaubang mga gerilya nga naa sulod sa
bilangguan sa kagamhanan. (ATR/PCOO.PIA9-Zambo
Norte)