ni Alfonso T. Ruda
DIPOLOG CITY, MAY 2(PIA)---Gipasalig sa Malakanyang nga
padayong bantayan sa administrasyong Aquino ang presyo sa produktong petrolyo
human migawas ang taho sa padayong pag-ubos sa presyo niini sa kalibutanong
merikano, sumala pa sa usa ka opisyal sa Malakanyang.
“Miubos
na ang presyo sa lana sa pagkakaron. Busa padayon natong bantayan ang bantayan
ang presyo sa lana,” matod pa ni Presidential spokesperson Edwin Lacierda.
Uban
niining labing ulahing paglihok sa presyo sa kalibutanong merkado, gibantayan
usab sa Department of Energy ang kausaban sa presyo nga gipatuman sa mga
kompaniya sa lana sa nasod.
Gipasalig
ni Lacierda nga padayong ipatuman sa gobyerno ang mga lakang nga nagtumong nga
masustinihan ang inflation rate aron mapabilin ang presyo sa mga nanag-unang
palaliton.
Uban
ang panagna sa padayong pag-ubos sa presyo sa lana sa kalibutanong merkado,
gipanagna usab sa gobyerno nga magpabilin ang inflation rate sa iyang target
range.
“Kon
duna kiniy epekto sa presyo sa mga palaliton? Ato nang gipahayag nga ang atong
inflation rate sa pagkakaron naa sa 2.6- ang ikaduhang labing ubos dinhi sa
habagatan-silangang Asya. Ang presyo sa nanag-unang palaliton sama sa sabon,
harina ug mga de-latang pagkaon miubos. Hinuon duna poy pipila nga ang presyo
misaka,” matod pa ni Lacierda.
Matod
pa ni Lacierda, na-contain sa administrasyong Aquino ang inflation rate
niadtong una taliwala sa kalibutanong ekonomiya ug pagsaka sa presyo sa produktong
petrolyo niadtong una.
“Dili
na kana mahitabo tungod kay manageable na ang atong inflation rate. Sa
kamatuoran, Sa 2.6 porsiento nga mao ang pinakaubos sa labing ulahing panahon,”
matod pa ni Lacierda.
Sa
data nga gipagawas sa National Statistics Office, nagpakita nga ang inflation
rate sa Marso naa sa 2.6 porsiento gikan sa 2.7 niadtong Pebrero gumikan sa
hinay nga pagsaka sa ilimnong makahubog, ingon man sigarilyo, mga sinina ug mga
sul-ubonon sa tiil, samtang wala usay nabag-o sa housing ug utility costs.
Ang
inflation rate misuporta sa panglantaw sa Bangko Sentral ng Pilipinas nga ang
ilang high record policy rates maoy hinungdan sa pagpabilin sa presyo nga kontrolado.
Si
BSP Governor Arturo Tetangco nagkanayon nga ang data sa Marso mao ang labing
ubos human nga natala ang 2.2% niadtong Septyembre 2012 nga ang inflation sa
nasod magpabiling kaya pang dumalaon sa kasamtangang policy horizon.(ATR/PCOO/PIA9-Zambo Norte)
