ni Claro A.
Lanipa
Pagadian
City, May 28 (PIA) – Gidayeg ni Marvic Leonen
ang chairman sa Government of the Philippines (GPH) panel sa inisyatibo sa mga lideres sa sekta sa mga
negosyante sa habagatang bahin sa Pilipinas alang sa ilang suporta sa gihimong
negosasyon uban sa Moro Islamic Liberation Front (MILF).
Si
Leonen mao ang pinasidunggang mamumulong sa gipahigayon forum ginganla’g
“Engaging Business in the Peace Process” nga gipangulohan sa Mindanao Business
Council (MinBC) ug Davao City Chamber of Commerce and Industry, Inc. (DCCCII)
ning milabay’ng Biyernes sa Marco Polo Hotel sa
dakbayan sa Davao.
Ang
kalihukan gisuportahan usab sa The Asia Foundation (TAF) ug gitambongan sa mga
dakong kahugpungan sa mga negosyate ug pribadong corporations gikan sa tibuok
Mindanao lakip ang Muslim Business Forum, Inc. ug Mindanao Tourism Council.
Matod
pa ni Leonen ang kagamhanan hingpit nasayod nga daghang mga grupo ug mga tingog
gawas sa MILF ang nagtinguha sa susamang
pangandoy alang sa kalinaw sa Mindanao. “ Ug malipayong kami miingon nga ang
mga negosasyon ug tanang abut (outputs) kinahanglan mahilakip ug ang tanang
partido kinahanglan hatagan ug luna sulod sa maong pangandoy.
Matinuuron
si Presidente Benigno S. Aquino III mahitungod sa sultihanay sa kalinaw ug wala
siya’y laing agenda gawas sa paghatag sa usa ka matarong ug malungtaron
kasulbaran sa kagubot sa Mindanao,” dugtong pa ni Leonen. (OPPAP/CAL/PIA9)