ni Alfonso T. Ruda
DIPOLOG CITY, MAY
6(PIA)--- Gipahayag
ni Government Service Insurance System (GSIS) President ug General Manager Robert
Vergara nga ang educational assistance program sa state-pension fund molungtad
hangtud sa Disyembre 28 aron matabangan ang mga membro nga ma-abaga ang galastuhon
sa pagtungha sa ilang mga anak sa ikaduhang semester sa tuig tingtungha,
2012-2013.
Niadtong
Miyerkules, gilusad sa GSIS ang educational assistance program human gipahibalo
ni Presidente Benigno Aquino III niadtong Labor Day (Mayo1) nga dunay 11.2
bilyones ka pesos nga Educational Fund gikan sa Social Security System (SSS) ug
GSIS.
Ilalom
sa programa sa GSIS, tanang aktibong membro, bisan unsang salary grade makadawat
ug 4 mil pesos nga bayran sulod sa 5 ka tuig uban ang interest nga 6 porsiento.
Ang
pagbayad ipaagi sa pagkuha gikan sa suweldo ug tag 20 pesos matag bulan nga
pagasugdan 3 ka bulan human mahatag ang maong hinabang.
Dugang
niini, dili na usab magkinahanglan ang GSIS ug electronic certification gikan
sa employer ug dili na usab maningil ug service fee. “Kini nagpasabot nga
makuha sa membro ang kinatibuk-ang 4 mil pesos,” matod pa ni Vergara.
Ang
mga membro mahimong moduso sa ilang aplikasyon pinaagi niining mosunod - sa
bisan asang buhatan sa GSIS, natudlong liaison officer, o kaha sa website sa
GSIS nga www.gsis.gov.ph
diin makuha ang mga porma.
Alang
sa dugang kasayuran kabahin sa GSIS Educational Assistance Program, giawhag sa
GSIS ang mga intresadong membro nga motawag lang sa GSIS hotline numero 479-3645 o moadto sa labing duol nga
buhatan sa GSIS.(ATR/PCOO/PIA9-Zambo
Norte)
