ni Claro A.
Lanipa
Pagadian
City, May 4 (PIA) – Si Presidential
Adviser on the Peace Process Teresita Quintos Deles nag-awhag sa publiko aron
sa pagtuon sa mga isyus mahitungod sa proseso sa kalinaw tali sa Government of
the philippines (GPH) ug ang Moro Islamic Liberation Front (MILF) aron motabang
sa pagpanday sa katapusang kasabutan sa
kalinaw.
“Pagbasa
ug pagtuon ug makita ninyo kon unsa ka halapad ug kalawom ang proseso sa
kalinaw sa GPH-MILF. Masabtan ninyo kon unsa ang mga butang nga gikinahanglan
pa gayud sa pagtuki. Pangutana kon aduna pa bay mga butang nga gikinahanglan
ipasabot pa gayud ug motabang sa pagpanday sa usa ka kasabutan nga pagadawaton
sa kadaghanan,” miingon si Deles atubangan sa mga stakeholders atol sa People
Power Volunteers for Reform (PPVR) National Volunteers Expo nga gipahigayon
bag-o lang sa Xavier School
Multi-Purpose Center sa dakbayan sa San Juan.
Sa
iyang pakigpulong, mihatag ug kamahinungdanon ni Deles ang dakong bili sa
paglambigit sa lungsuranon sa maong proseso. “Ang yanong lungsuranon
kinahanglan molambigit sa pagsuporta ug pagbantay sa sultihanay sa kalinaw,”
dugtong pa niya human sa malampusong pagpahigayon sa ika 27 GPH-MILF formal
exploratory talks niadtong Abril 24 didto sa Kuala Lumpur diin ang duha ka
partido mipirma sa gitawag Decision Points on Principles nga maoy nagsilbing
gabayan sa pagtuki sa mga sustantibong mga butang sa negosasyon.
Matod
pa sa peace adviser nga ang milyahan nga dokumento maoy mopapha sa mga
negatibong panglantaw nga walay nahitabo sa maong proseso.
Ang
maong kalihukan gitambongan usab ni Presidente Benigno Aquino III uban ni
Social Welfare and Development Secretary Corazon Soliman, Tourism Sec. Ramon
Jimenez, Energy Sec. Jose Rene Almendras, Presidential Spokesperson Edwin
Lacierda, Commission on Overseas Filipinos Sec. Imelda Nicolas, Presidential
Adviser on Political Affairs Ronald Llamas, National Anti-Poverty Commission
Sec. Joel Rocamora, Technical Education and Skills Development Authority Dir.
General Joel Rocamora ug Education Undersecretary Lino Rivera.
Ang
maong expo gipadayagan sa pagtunol ngadto kang Presidente Aquino ang PPVR’s
citizen mapping report nga mipadayag sa detalyes sa mga kalihukan ug proyekto
sa PPVR, ug magsilbi isip usa ka andam nga tinguhaan alang sa mga civil society
groups ug mga ahensiya sa kagamhanan sa pag-ila kon kinsa ang angay atubangon
sa pagpatuman sa strategic local reform agenda.
Isip usa ka lig-ong supporter sa peace process, ang PPVR usa ka national coalition geographic Citizens Volunteer Assemblies and National Volunteer Organization kinsa mipasalig sa kaugalingon sa pagtampo alang sa maayong pangagamhanan ug paghupay sa kawad-on (OPPAP/CAL/PIA9)
