ZAMBOANGA CITY, Oct 10 (PIA) – Adunay liboan ka mga katawhan kadaghanan mga kabataan ning niaging mga adlaw sa siudad atol sa semana sa pagsaulog sa Hermosa Festival ang miduyog sa pagmartsa sa pagsuporta sa reproductive health (RH) bill.
Ang tinguha sa mga nag-martsa nga suportahan na kini sa congreso ug asikasohon, tungod hataas na kayo ang higayon sa mga paglantugi niining maong controversial bill.
Si Gabriela Party list Representative Luzviminda Ilagan maoy nangulo sa pagkampanya ug pagmartsa sa siyudad.
Matud pa niya ang pagmartsa uban sa suporta sa nagkalain-laing mga sektor gipakita nga adunay pakighiusa, uban na niini ang pipila ka mga RH advocates, makit-an kini sa mga tao nga adunay diay hugpong para sa maong issue.
Si Mr. Cecil Abuy Population Commission Regional Office 9 information officer, naglaom nga ang maong kalihukon makakuhag usab ug liboan ka mga supporters nagagikan sa youth organization, health workers, professionals, interfaith groups ug sa mga lokal nga kagamhanan sa nagkalain-laing mga probinsya hadiin gilusad usab ang mga pagmartsa.
Niadtong Septiyembre 17, 2011, gilusad usab ang mga kalihukan sa RH event sa siyudad sa Davao, Baguio ug Iloilo hadiin liboan usab ang mipartisipa sa maong aktibidad. (JPA/ELD/PIA9-Zambo City)
