ni Alfonso T. Ruda
DIPOLOG CITY, MAY 2(PIA)--- Si Presidente Benigno Aquino III
mipasalig sa mga trabahante atol sa pagsaulog sa Labor Day kagahapon (Mayo 1) nga
ang ika-upat nga hugna sa usbaw sa suweldo ilalom sa Salary Standardization Law
III ihatag nga mas sayo ug usa ka bulan sa pagpagawas niini sa Hunyo.
Gihatag
sa Presidente ang pasalig sa iyang pagpakigpulong sa gipahigayong Tripartite
Dialogue ug pamahaw sa Labor Day uban sa mga lider sa pamuo ug mga representante
didto sa Malakanyang.
Matod
pa ni Presidente Aquino, iya nang gimanduan si Budget Secretary Florencio “Butch”
Abad nga dalion ang pagpagawas sa usbaw sa suweldo sa mga empleyado sa
gobyerno.
“Giapura
namo si Kalihim Abad aron inig-abot sa bulan sa Hunyo, madawat na sa mga
empleyado sa gobyerno ang ika-upat nga hugna nga usbaw sa suweldo ilalom sa
Salary Standardization Law III,” matod pa sa Presidente.
Ang
Presidente midayeg sa sayong pagpagawas sa SSL III, uban ang pag-ingon nga
timing kini para sa enrollment sa mga estudiante pagbukas sa klase sa tuig tingtungha
2012-2013.
“Ensakto
gyud ni kaayo tungod kay ting-eskuwela na,” matod pa ni Presidentre Aquino. (ATR/PCOO/PIA9-Zambo Norte)
