ni Alfonso T. Ruda
DIPOLOG CITY, APR.2(PIA)--- Si Presidente Bingno Aquino III nag-isyo di-pa lang dugay ug Executive Order No. 68 nga nagpa-undang sa pag-isyo ug Value-Added Tax Credit Certificates (VAT TCCs), uban ang pagsagop sa monetization program nga nagtumong nga mapadali ang pagpagawas sa tax credit claims sa mga lokal ug langyaw nga nagpatigayon dinhi sa Pilipinas.
Si Executive Sec. Paquito Ochoa Jr., miingon nga gipirmahan ni Presidente Aquino ang EO no. 68 niadtong Marso 27 nga nagmando sa Department of Budget and Management (DBM), Bureau of Internal Revenue (BIR) ug Bureau of Customs (BoC) nga magpanday ug gabayan para sa VAT TCCs Monetization Program.
“Ang DBM mikutlo sa pagtoon nga nagpakita sa Pilipinas isip bugtong nasod rehiyon sa Association of Southeast Asian Nations nga naggamit sa TCCs pag-refund sa VAT claims ug naggamit sa labing taas nga panahon sa pag-isyo ug paggamit niin kumpara saubang mga nasod sa rehiyon sama sa Indonesia, Thailand ug Vietnam,” patin-aw pa ni Ochoa.
Ilalom sa EO 68, ang Monetization Program magsakop sa outstanding VAT TCCs nga giisyo pinasikad sa Tax Code and Tariff ug Customs Code of the Philippines ngadto sa mga kwalipikadong VAT-registered entity.
Ang direktiba sa Presidente maoy maghatag ug ug duh aka opsyon ngadto sa mga magbubuhis nga makuha ang katumbas nga kantidad sa ilang Outstanding Tax Credit- (1) nga makuha “in advance” gikan sa gisaligang bangko sa discounted nga kantidad ang TCCs , ug ikaduha (2) ang pagkuha sa kinatibuk-ang kantidad sa TCCs sa tukmang panahon o maturity date nga i-determinar sa BIR ug BoC.
Gimanduan usab ni Presidente Aquino ang DBM nga sigurohon nga ang pondo par sa monetization program malakip sa nasudnong pahat gikan sa 2012 ngadto sa 2016.
Ang Department of Finance sa laing bahin, gimanduan usab sa Pamuno Nasod paghatab ug instruksyon sa DBM ug BOc nga beripikahon ang tanang outstanding VAT TCCs ug himoon ang ilang katungdanan para sa hapsay ug daling pagproseso sa credit claims.
Ang BIR ug BoC mag-isyo gilayon ug “notice of schedule of payments” ngadto sa mga kwalipikadong magbubuhis human nga maberipika ang ilang mga outstanding VAT TCCs.
Ang EO 68 nagtudlo sa mga institusyong pinansyal sa gobyerno isip mga trustee banks sa pag-convert ngadto sa cash sa mga outstanding VAT TCCs diin usa ka especial trust account ang nakatakdang i-establisar sa GFIs alang sa maong katuyoan.
Samtang sa laing bahin, ang Commission on Audit gihatag usab ug pagtugot sa EO68 nga mosusi sa tanang mga tansaksyon nga dunay kalabutan sa monetization sa mga outstanding VAT TCCs.
Ang refund sa VAT TCCs i-isyo lamang sa BIR ug BoC kon pangayoon sa VAT Taxpayer, pinasikad sa Section 112 (A) sa Tax Reform Act “as amended ug Section 106 (e) as amended. (ATR/PCOO/PIA9-Zambo Norte)
