Aquino nangita sa ihulip ni Lee isip ambassador sa People's Republic of China

By: Gideon C. Corgue

PAGADIAN CITY, April 25 (PIA) – Si Presidente Benigno S. Aquino III nagkanayon nga ang sunod nga ambassador sa People's Republic of China (PROC) ang mosabot sa kultura ug sistema sa China ug adunay dako nga koneksyon uban ang katawhang Chinese nga motabang kaniya ug sa Department of Foreign Affairs (DFA) pagtubag sa kritikal nga kahimtang sa Panatag Shoal (Scarborough Shoal).

Ang hepe ehekutibo mipahibalo nga ang criteria sa interview sa Malakanyang human sa hangyo ni Domingo Lee, ang Philippine ambassador to PROC nga ang iyang nominayson ang ipaurong tungod sa mga paningkamot sa kagamhanan nga ipadayon ang malinawon nga pagsulbad sa Panatag Shoal issue.


Si Presidente Aquino nagkanayon nga siya ang motudlo sa career diplomat o taga gawas isip bago-o nga nominee sa katungdanan nga pagka ambassador to China. "Lahi man gud ang criteria. Dili lang man career, ang usa ka tawo nga makabalo sa kultura sa Chinese ug kung unsa paglihihok sa ilang kultura ug nakapallambo sa contact aron nga makab-ot sa tighulma sa mga panahum," matud pa niya


Ang Presidente mihimo sa iyang pinakamaayo aron pagpili sa pinakatukma nga tawo alang sa maong katungdanan tungod sa kahimtang sa West Philippine Sea ug aron nga malikayan ang ekonomikanhong pagbabag sa pag-uswag sa nasud.


Si Presidente Aquino mipahayag nga si Foreign Secretary Albert del Rosario nag mirekomenda na sa usa ka tawo nga mopuli kang Lee. "Ang gipakita sa akoa, bata pa kaayo. Apan Pero maalamon daw, nagkadayeg pag-ayo ang atong Secretary of Foreign Affairs ug ako ang mag-interview kaniya. Mangita pa kita sa uban. Atong gimadnoan ang search committee, ug uban pang mga grupo nga mohatag sa mga nominees," matud pa niya. (GCC/PCOO/PIA9-Zambosur)