Aquino nakapunting sa iyang paningkamot pagtapos sa armadong panagbangi uban sa MILF

By: Gideon C. Corgue

PAGADIAN CITY, April 26 (PIA) – Usa ka inila nga miyembro sa peace negotiating panel sa Government of the Philippines (GPH) nagpadayag nga ang matinud-anon nga commitment sa administrasyong  Aquino pagtapos uban sa  Moro Islamic Liberation Front (MILF) pinaagi sa pagmugna sa kasabutan nga paborable sa duha ka mga grupo nga nagpadayag sa paglaum nga ang dugay na nga gipangindahay nga kalinaw ang makab-ot pinaagi sa pagtimaan sa kasabutan tali sa duha ka mga grupo sa dili madugay.

Sa usa ka teleconference nga gipahigayon sa press briefing sa Malakanyang ning Miyerkoles, si GPH chief negotiator Marvic Leonen subli nga nagpahibalo nga kagamhanan nagpabilin nga nakapunting sa paghimo sa mahinungdanon nga paningkamot aron pagtapos sa dugay na nga kagubot uban sa MILF.

“Ang GPH nagpabilin nga matinud-anong komitado nga makigtrabaho sa komprehensibo nga pultikanhon nga panaghusay uban sa MILF aron pagsulbad sa pangutana sa Bangsamoro,” matud pa ni Leonen.

“Karon kita ang miabante sa usa ka mahimsog nga gibug-aton sa paglaum aron nga magiyahan sa mga pagtolon-an sa kagahapon. Kita ang naglaum nga sa umaabot nga mga semana nga hingpit ug tingali malisod nga panagsultihanay uban sa MILF ug uban nga mga nagkalain-laing nga apektado nga sektor,” gipuno pa niya.

Si Leonen ang mitumbok sa kamahinungdanon paghan-ay sa usa ka sulosyon sa labing madali nga panahon aron pagpadayon sa kalamboan sa mga apektadong dapit kinsa ang sa hinayhinay moduso kanato alang sa dugang nga mga kalamboan sulod sa tibuok nasud.

“Gikinahanglan nga atong sulbaron ang gamut nga hinungdan ning maong armadong panagbangi sa labing madali nga panahon aron nga ang paglambo sa atong kinatibuk-ang nasud pagaayudahan sa proseso sa kalinaw,” matud pa ni Leonen.

Leonen uban sa mga ginsakpan sa GPH peace negotiating panel ang anaa sa gihapon sa Kuala Lumpur, Malaysia mislamot sa 27th Formal Exploratory Talks uban sa MILF.

Ning nakalabay nga Martes ang kagamhanan ug ang MILF mihimo sa lakang atol sa panagsultihanay nga nag-ila sa pasiuna nga punto sa mga hukom sa mga prinsipyo nga magsilbi nga dugukan alang pagtimaan sa kasabutan sa kalinaw