ni Franklin P. Gumapon
DIPOLOG CITY, July 24 (PIA) Gipahibalo ni Pangulong
Benigno Simeon C. Aquino III nga sugod sunod tuig and binulang pension sa mga
riterado ug disability pensioners dili momenos sa P5,000.
Mao kini ang gipahayag ni Pangulong Aquino atol sa
iyang ikatolong State of the Nation Address (S0NA) kagahapon didto sa Batasang
Pambansa sa dakbayan sa Quezon.
Gipasabot sa Pangulo nga kadtong nag-alagad sa
gobyerno angayan lamang nga hatagan sa tukmang pag-atiman hangtud sa ilang
pagretiro.
Dugang sa Pangulo nga giila sa kagamhanan ang mga
natampo sa mga kawani sa kagamhanan ug busa dili sila hikawan sa tukmang
benipisyo o pension.
Wala damha sa Presidente nga aduna pay mga
pensionado nga nagdawat lamang ug P500 matag bulan nga kuwang kaayo sa
pag-tagbo sa ilang inadlaw-adlaw nga panginahanglanon.
Agig tubag niini, gipaneguro ni Pangulong Aquino nga
sa sunod tuig, ang binulan nga pension sa mga retirado dili momenos sa P5,000.
Kahibalo-an nga makahimo ang gobyerno karon sa
pag-usbaw sa pension sa mga retirado bunga sa ensaktong paggamit sa salapi sa
kagamhanan aron makatigum ug pundo nga magamit sa mga nanag-unang proyekto sa
kagamhanan. (FPG/PCOO/PIA-Zamboanga del Norte)
