ni Franklin
P. Gumapon
DIPOLOG CITY, July 27 (PIA) - - Gipaneguro sa Palasyokarong bag-o a nga
ang Commission on Election (COMELEC) adunay igong pundo para magamit sa
pagpahigayon sa automated election sunod tuig.
Matud pa ni Presidential Spokesman Edwin Lacierda nga mamahimong gamiton
sa COMELEC ang dakung saving niini
aron idugang sa pundo nga gipahat alang sa umaabot nga piniliay.
Dugang pa ni Lacierda nga sa iyang pagpakighinabi ni Budget Secretary
Florencio Abad, gibutyag niini nga ang COMELEC adunay igong saving sa iyang budget.
Kahinumduman nga mi-angal si COMELEC Chairman Sixto Brillantes sa
pagkunhod sa pundo nga gipahat alang sa COMELEC ubos sa 2013 General
Appropriations Act gikan sa P24 bilyones karong tuiga ngadto sa P8 bilyones
alang sa sunod tuig.
Gipahayag ni Brillantes nga sa pagkunhod sa pundo nga gipahat sa COMELEC,
lagmit mubalik sila sa “manual counting” sa mga balota sa piniliay sunod tuig.
(FPG/PCOO/PIA-Zamboanga del Norte)
