ni Claro A.
Lanipa
Pagadian
City, July 10 (PIA) – Ang Department of
the Interior and Local Government (DILG) mipahimangnon sa mga hingtungdan
opisyales sa kagamhanang lokal sa pagdeklarar sa pagkansela sa mga klase ug
trabaho sa mga buhatan sa kagamhanan hinungdan sa dautang panahon sa dili pa
ang alas 4:30 sa buntag alang sa buntagong pagpauswag ug sa dili pa ang alas
11:30 sa buntag alang sa hapon.
Atol
sa gipahigayong forum sa disaster preparedness and climate change adaptation sa
dakbayan sa Davao, si DILG Undersecretary for Local Government Austere Panadero
miingon nga ang mga tinun-an ug empleyado sa kagamhanan kinahanglan mapahibalo
ug sayo ug dili sa panahon nga anaa na sila sa mga tulunghaan ug opisina sa diha
ang pagkansela gipahibalo.
“Mao
kini ang hapsay nga mga pamaagi sa pagpauswag sa mga klase ug trabaho sa mga
buhatan sa kagamhanan panahon sa bagyo, pagbaha ug ubang mga kalamidad aron sa
paglikay sa mga kabataan, empleyado sa kagamhanan ug sa kinatibuk-an ang
publiko gikan sa makuyaw nga kahimtang,” dugtong pa ni Panadero.
Ubos
sa Mando Ehekutibo No. 66, ang Philippine Atmospheric, Geophysical and
Astronomical Services Administration (PAGASA) mopagawas sa susamang pahibalo
pinaagi sa nagkalain-laing media outlets sa dili pa ang alas 10:00 sa gabii sa
sunod nga adlaw ug alas 4:30 sa buntag sa adlaw ikansela o ipauswag ang klase
ug trabaho. Sama usab sa PAGASA mopagawas sa pasidaan sa dili molapas sa alas
11 sa buntag sa susamang adlaw kon ang suspension sa mga klase ug trabaho
mahitabo sa hapon.
Ang
mosunod nga mga kalagdaan sa pagkansela o pagpauswag sa mga klase sa pampubliko
ug pribadong tulunghaan ug trabaho sa mga buhatan sa kagamhanan: Signal No. 1 –
mga klase sa pre-school sa mga apektadong lugar sa diha-diha ikansela o
ipauswag; Signal No. 2 mga klase sa pre-school, elementarya ug sekondarya sa
mga apektadong lugar ikansela o ipauswag; Signal No. 3 – mga klase sa
pre-school, elementarya, sekondarya ug
kolehiyo, sa mga apektadong lugar lakip ang graduate school ug trabaho
sa tanang buhatan sa kagamhanan, kanselado ug suspendido.
Gipasabot
ni Panadero nga kon wala ang pahimangno mahitungod sa bagyo gikan sa PAGASA,
ang EO 66 nagtugot sa mga hepe ehekutibong
lokal, ilabi na sa dali mabahaan ug delikadong lugar, aron ipatuman ang lokal
pagkansela o pagpauswag sa mga klase ug trabaho sa mga buhatan sa kagamhanan
uban sa pagkatagdo sa Buhatan sa Panahon ug ang National Disaster Risk
Reduction and Management Council.
Miingon
usab siya, nga ang tanang barangay chairmen ug opisyales makahimo ug
rekomendasyon ngadto sa ilang mayor aron sa pagkansela sa mga klase sa ilang
dapit.
Ang
EO 66 nagtanyag usab nga ang mga lugar apektado sa kalamidad gawas sa bagyo,
ang klase sa tanang hut-ong sa mga tulunghaan pribado man o pampubliko ug
trabaho sa mga buhatan sa kagamhanan mahimong ikansela o ipauswag lamang sa
Presidente sa nasud ubos sa rekomendasyon sa NDRRMC.
“Ang
hingtungdan lokal disaster risk reduction management council maoy responsable
sa pagpahibalo ang suspensyon sa mga klase ug trabaho sa mga buhatan ubos sa
pagkatagdo sa NDRRMC pinaagi sa mga media sa maong lugar, miingon si Panadero. (DILG/CAL/PIA9)
