ni Claro A.
Lanipa
Pagadian
City, July 6 (PIA) – Ang Department of
the Interior and Local Government (DILG) ug ang Commission on Elections
(COMELEC) ning bag-o lang mipirma ug usa ka Memorandum of Agreement (MOA) uban
sa National Commission on Indigenous Peoples (NCIP) aron maseguro ang
paglambigit sa mga lumad kon indigenous peoples panahon sa piniliay, ilabi na
sa Mayo 13 national ug local elections sa sunod tuig.
Si
DILG Sec. Jesse Robredo, COMELEC Chairman Sixto Brillantes, Jr. ug NICP
Chairperson Brigida Pawid mipirma sa kasabotan nga gipahigayon sa buhatan sa
COMELEC sa Intramuros, Manila, aron sa pagduso sa implementasyon sa COMELEC
Resolution 9427, nga nagtanyag alang sa registration sa tanang miyembro sa
Indigenous Cultural Communities (ICCs) kon Indigenous Peoples (IPs).
“Kining
importanteng kalamboan, tinguha sa kagamhanan aron sa pagtuboy ug pagpanalipod
sa mga katungod sa atong mga lumad
pinaagi sa pagpataas sa ilang paglambigit sa pangagamhanan,” miingon si
Robredo.
Subay
sa promulgasyon sa COMELEC Resolution 9427, pipila sa mga kagamhanan lokal sa
14 ka mga rehiyon sa tibuok nasud ang
giila isip mga pilot areas aron ipahigayon ang registration.
Ang
naila nga mga dapit gilangkoban sa mosunod, alang sa Region I ang mga lungsod
sa Sugpon, Alilem, Cervantes Qurino ug Sta. Cruz, sakop sa probinsya sa Ilocos
Sur; Region II Kayapa, Nueva Ecija; Region III, Capas, Tarlac; Region IV-A Gen.
Nakar, Quezon; Region IV-B Mindoro (Oriental ug Occidental), Region V, Buhi,
Camarines Sur; Region VI, Valderama, Antique; Region IX, Siayan, Zamboanga del
Norte, ug Midsalip, Zamboanga del Sur; Region X, Oroquieta, Misamis Occidental;
Region XI, Malita, Davao del Sur ug Talaingod, Davao del Norte; Region XII,
Lake Sebu, South Cotabato; Region XIII, San Luis, Agusan del Sur; ARMM, South
Upi, Maguindanao, ug CAR, Bakun, Benguet.
Gipasabot
ni Robredo nga ang kasabotan gilangkoban sa registration, voters education ug
pagbotar of IPs sa giigla nga mga pilot areas alang sa umaabot Mayo 13, 2013
nga piniliay.
Sa
gisulat sa kasabotan, ang DILG maoy mohatag ug logistical support pinaagi sa
mga ginsakpan nga ahensiya niini ug ang mga kagamhanang lokal sama sa hinabang
sa pulis ug transportasyon sa mga kagamitan ug personahe ngadto sa mga pilot
areas, samtang ang COMELEC, maoy mopahiyon sa actual registration sa mga IPs,
lakip ang pag-establisar sa mga presinto sa nasangpit mga lugar.
Sa pikas nga bahin, ang NCIP mopadala'g mga tawo aron molangkob sa grupo kon team nga maoy mopahiyagon sa registration, voters education ug pagbotar ug motabang sa paghatag sa mga kasayuran mahitungod sa maong kalihukan. (CAL/PIA9)
