ni Alfonso T. Ruda
DIPOLOG CITY, JUNE
3(PIA)---Ang
otomatikong kanselasyon sa klase panahon sa bagyo ibase na sa signal nga
ipagawas sa Philippine Atmospheric, Geophysical and Astronomical Services
Administration(PAGASA), apan dili na ang Departamento sa Edukasyon ang
mopahibalo niini, kundili ang ang mga Kagamhanang-Lokal na, sanglit sila man
ang labaw nga nahibalo sa sitwasyon sa ilang lugar.
Kini
ang unod sa Orden Ehikutibo Numero 66 nga gi-isyo ni Presidente Benigno Aquino
III niadtong Enero 9, 2012. Base niini, nag-isyo usab ang DepEd ug DepEd Order 43
aron giyahan ang mga rehiyonal nga buhatan sa departamento ug mga opisyales sa
tunghaan sa aksyon nga ilang himoon panahon sa kalamidad ug kon magmaot ang panahon.
Base
sa maong kamanduan, kini ang gabayan nga masunod. Kon ang signal no1, iisa na
sa PAGASA, otomatiko nang kanselado ang mga klase sa tanang tunghaan
pampubliko ug pre-school ug kindergarten sa mga apektadong lugar. Sa signal no.
2, ang suspensiyon sa klase maglakip na sa elementarya ug sekondarya. Kon iisa
na ang signal no. 3, kanselado na ang klase sa tanang level, ingon man ang trabaho
sa tanang mga opisyales sa DepEd. Depende sa ipahibalong signal sa bagyo gikan
sa alas 10 sa gabii hangtud sa alas 4:30 ang takna sa buntag sa sunod adlaw, ang
klase sa tukmang level, gikonsidera nang kanselado sa tibuok adlaw.
Kon
walay signal sa bagyo nga ipagawas ang PAGASA, ang localized nga suspensiyon sa
klase sa mga pampubliko ug pribadong mga tunghaan ug trabaho ang ipatuman sa
Hepeng Ehikutibong Lokal, pinasikad sa ilang kapasidad isip mga Chairpersons sa
Local Disaster Risk Reduction and Management Council (LDRRMC).
Usab,
base sa labing ulahing miting sa inter-agency Task Force Oplan Balik Eskuwela,
ilakip na sa PAGASA sa ilang weather bulletin dili lamang ang signal sa bagyo
kundili hangtud na ang pagpahinumdom sa suspensiyon sa klase depende sa numero
sa signal sa bagyong ilang gipahibalo.
Gitakda
usab sa maong kasabutan nga ang unsa mang disisyon pagsuspende sa klase kinahanglang
magagikan lamang sa Kagamhanang-Lokal. Ang pangulo sa sa tunghaan mahimo lang mosuspende
o mokansela ug klase kon gikinahanglan ang hinanaling aksyon aron malikayan nga
dunay masikatan o kinabuhing mawala.
Alayon
niini, gimanduan ang mga lokal nga mga opisyales sa DepEd ug mga pribadong
tunghaan nga kanunayng makig-koordinasyon sa mga LGUs panahon sa maot nga panahon.
Base
sa EO, ang mga LGUs gilaumang mopahibalo sa kanselasyon sa klase sa dili pa mag
alas 40 ang takna sa buntag para sa tibuok na adlawng kanselasyon ug alas 11
ang takna sa buntag alang sa kanselasyon sa klase sa hapon. (ATR/PCOO/PIA9-Zambo Norte)
