By
Alma L. Tingcang
MANILA,
June 8 - - - Giawhag ni Presidente Benigno C. Aquino III and mga negosyante ug
katawhan sa United Kingdom nga mamuhunan ug mobisita sa Pilipinas uban ang
pagduso sa nasod isip alternatibong destinasyon sa turismo ug pamuhunan.
Sa
iyang pakigpulong atol sa luncheon meeting ubos sa pagdapit sa iyang kamahalan,
ang presidente nagkanayon nga importante alang sa katawhan sa UK nga
mopahimulos sa gitanyag sa Pilipinas.
“Isip
usa sa mga nag-unang European investors ug pinakadakong gigikanan sa mga
turista gikan sa Europa, gusto namo nga ang UK hingpit nga makapahimulos sa
among gitanyag: usa ka malig-on, value-for-money investment nga oportunidad,
lakip na ang public-private partnerships,” ang presidente nagkanayon.
Matod
pa nga ubos sa iyang administrasyon, mahayag ang panglantaw sa mga Pilipino nga
usa ka kausaban alang sa kalamboan ang mahitabo sa ilang kinabuhi ug nakita
niya nga ang tanang katawhan naningkamot aron ang tanan makapahimulos sa
kalamboan ug tungod niini mahimong madani ang mga mamuhunan.
“Sa
pagkakaron, adunay mahayag nga panglantaw ang among nasod ug malaumon kami sa maong malig-on nga paglantaw pinaagi sa paghatag ug
usa ka kalikopan diin ang mga mamuhunan makakuha ug maayong ganansiya ubos sa
klaro ug malahutayon nga mga regulasyon,” pamulong sa presidente. (ALT/PCOO/PIA9-Zambo
Sur)
