ni Franklin
P. Gumapon
DIPOLOG CITY, June 1 (PIA) - - Mitala ug 6.4 porsento ang pagtubo sa
Gross Domestic Product (GDP) sa nasud sa unang tulo ka bulan ning tuiga ug kini
ang pinakata-as dinhi sa Asya ug sa mga nasud nga sakop sa Association of
Southeast Asian Nations (ASEAN).
Mao kini ang gibutyag sa Malakanyang karong bag-o pinaagi ni Deputy
Presidential Spokesperson Abigail Valte.
Ang pagtubo sa ekonomiya sa nasud naggumikan sa nagpadayon nga pagsalig
sa mga negosyante sa pamunu-an ni Pangulong Aquino lakip na niini ang pagta-as
sa exports ug paggasto sa mga Pilipino.
Dugang pasabot ni Valte nga nahimong himsog ang ekonomiya sa nasud tungod
usab sa pagsaka sa services sector kuyog sa paglambo sa exports.
Matud pa ni Valte ang pagsaka sa GDP maoy pagmatuod sa mga maayong
panlantaw ni Pangulong Aquino ug sa iyang economic team.
Ang pagtubo karon sa GDP maoy pinakataas sa tuig nga walay pinili-ay,
ikaduha sa Asya ug pinakataas sa ASEAN.
Gilauman usab sa Malakanyang nga mopadayon ang pagsaka sa GDP sa tibook
tuig tungod sa padayo’ng pagsalig sa mga negosyante ug maayong panagway sa
nasud sa diha natad sa ekonomiya.
Ibabaw ning maong kalambo-an, gipasalig karon sa kagamhanan nga ipadayon
ang mga kausaban ug kakugi al;ang sa kalambo-an sa tanang katawhan.
Gipahayag ni Valte ipadayon sa administrasyong Aquino ang kakugi subay sa
maayong pangagamhanan ug pagpalambo sa ekonomiya aron adunay daghang trabaho ug
masulbad ang suliran sa kawad-on. (FPG/PCOO/PIA-Zamboanga del Norte)
