ni Alfonso T. Ruda
DIPOLOG CITY, JUNE
9(PIA)--- Subling gilig-on
sa Malakanyang ang baruganan niining
mapadali ang paghusay sa Maguindanao massacre case nga nahitabo niadtong 2009 ug
mikalas sa kapin sa 50 ka mga tawo.
Dungan
niini, gihatagan usab ug gibug-aton sa Malakanyang ang kamahinungdanon sa
pagtamod sa tukmang proseso sa pagpaningkamot nga mahatag ang hustisya sa mga
biktima pinaagi sa proseso sa hudikatura.
Sa
pagtubag sa mga pangutana gikan sa mga sakop sa media sa regular press
conference sa Malakanyang niadtong Huwebes, gipahayag ni Presidential
spokesperson Edwin Lacierda nga ang husay nag-agad lamang sa huwes nga naggunit
sa kaso ug ang tanang mahimo lamang sa administrasyon mao ra gayud ang
pagpanawagan sa huwes nga dalion ang proseso ug isilbi dayon ang hustisya kon
asa kini angayang ihatag.
“Ang
sitwasyon sa Maguindanao massacre…. Ang proseso nagsalig ug dako kon giunsa
pagpadagan sa huwes ang kaso. Amo kanunay nga gibarugan nga gusto namong madali
ang husay apan taman ra gyud mi sa paghangyo sa huwes nga dalion ang husay,”
matod pa ni Laciereda.
Matod
pa usab ni Lacierda nga pinaagi sa daling resolusyon sa kaso, mapakita sa nasod
ngadto sa tibuok kalibutan ang kamatinud-anon sa nasod pagsilbi sa hustisya
ngadto sa mga biktima, sama sa Maguindanao massacre.
“Kon
kining tanan makonsidera sa hudikatura, ug mapadali pananglitan, ang husay sa kaso
atubangan sa Court of Appeals aron ang tanang mga akusado ma-arraigned, mas
maayo unta, ug mapakita niini sa tibuok kalibutan nga matinud-anon ang gobyerno
ang hudikatura sa Pilipinas sa paghatag ug hustisya sa mga biktima sa Maguindanao
massacre,” nagkanayon si Lacierda.
Mahinumdoman,
nga niadtong Nobyembre 23, 2009, 58 ka mga tawo ang namatay gumikan sa usa ka mangilngig
nga krimen nga gitawag ug Maguindanao massacre, human nga nadiskubre ang usa ka
“mass graves.”
Ang
biktima mao ang tipik sa convoy sa grupo nga miadto padulong sa buhatan sa local
nga buhatan sa Commission on Election aron moduso sa kandidatura ni Buluan Vice
Mayor Esmael Mangudadatu pagka-Gobernador sa Maguindanao.
Ang
mga biktima gilangkuban sa mga membro sa media, mga abogado, asawa ni
Mangudadatu ug mga igsoong babaye, mga alalay ug mga motorista nga nahiagi lang
sa lugar atoll sa pagkahitabo.(ATR/PCOO/PIA9-Zambo
Norte)
