Aquino mipadayag sa iyang panglantaw sa kausaban ug reporma para sa nasud ngadto sa mga Pilipino nga karon anaa sa London

Ni Gideon C. Corgue

PAGADIAN CITY, June 6 (PIA) – Si Presidente Benigno S. Aquino III, nakighinabi sa Filipino community sa London nagkanayon nga iyang gihanduraw ang usa ka malamboon ug mauswagon nga Pilipinas panahon nga siya ang monaog gikan sa iyang gahum sa tuig 2016.

Sa samang higayon, ang Presidente miawahg sa Filipino community sa UK magpadayon suporta sa iyang administrasyon tungod kay ang kausaban ug reporma ang possible kung ang tanang mga Pilipino magkahiusa ug magtimbayayongay.

“Buot nako nga maatubang kamo tanan sa 2016 ug akong isulti sa inyo nga kita ang nausab?’ Atong mahimo kana, misalig kamo dihang gitabangan ko ninyo nga mahatagan ug higayon dinhi sa atong panagsultihanay,” ang Presidente nagkanayon sa iyang pakigpulong.

“Mas mahitabo pa kini, wala may gibyaan sa pagboto. Atong ipadayon hangtud sa 2016 ang atong panagtimbayayongay tungod kay mahimo nato nga mag-usab ug daghan na ang nausab ug mas mahimo pa nato nga mapadali ang kausaban aron sa ikaayo natong tanan.”

Isip kabahin sa nasangpit nga kausaban, ang Presidente nagkanayon nga buot niya makita ang dako nga kausaban sa imprastraktura , edukasyon, , health care system, kalinaw ug seguridad, kalamboang sosyal ug daghan pang uban.

Ang hepe ehekutibo dugang mipahayag nga gusto niya nga ang mga kabataan nga nagdawat ug suporta sa kagamhanan ilawom sa conditional cash transfer (CCT) program sa Department of Social Welfare and Development ang mahiabot sa ilang pagtungha sa secondary schools kung siya ang manaog na sa iyang pagka presidente.

Ang mga timailhan maayong pagdumala sa kahusay ug kalinaw sa nasud samtang na kapulisan malampuson nga mipakunhod sa gidaghanon sa mga nanghitabo nga krimen sa local communities, matud pa sa Presidente. (GCC/PCCO/PIA9, ZamboSur)