ni Alfonso T. Ruda
DIPOLOG CITY, JUNE
2(PIA)---Kompiyansa
si Presidente Benigno Aquino III nga sa hinay-hinay maangkon ra sa mga Filipino
ang mas maayong matang sa hustisya gumikan sa pagpaningkamot sa iyang
administrasyon nga mapatuman ang gikinahanglang reporma dinhi sa nasod.
Sa
usa ka ambush interview human mitambong sa gipahigayong 1st Philippine
International River Summit didto sa Eon Centennial Resort Hotel and Convention
Center sa Alterra Terra Village sa Jaro, Iloilo, ang Presidente nagkanayon, nga
pinaagi sa pagpalig-on sa sistema sa hustisya sa kinatibuk-an, makasiguro ang katawhan sa patas nga hustisya ug maki-angayong
pagpatuman sa balaod.
“Naglaum
gyud kami ug mas maayong matang sa hustisya dinhi sa nasod…. Dihang misulod kami,
14 porsiento lang ang conviction rate. Karon, si Justice Secretary Leila De
Lima mitaho nga naa na sa 25 porsiento ang conviction rate sa kinatibuk-an.
Pero niadtong dunay mga saksi nga naa sa WPP kon Witness Protection Program, naa
na kini sa 90 porsiento,” matod pa ni Presidente Aquino.
“Kini
ang atong gilauman. Nga kung tinuod ang atong sistema sa hustisya sa kinatibuk-an,
mahimong mas maanindot ang kahimtang natong mga Filipino “ dugang pa ni Presidente
Aquino.
Sayo
niini, gipasalamatan sa Hepe Ehikutibo ang katawhang-Filipinhon sa pagsuporta
sa administrasyong Aquino nga mapatuman ang tiunay nga reporma. Sumala pa sa
Presidente, nga uban sa padayong suporta sa katawhan, iyang gibati nga wala
siya mag-inusara pagpakiggubat batok sa korupsyon ug sa pagsulbad sa depekto sa
atong gobyerno.(ATR/PCOO/PIA9-Zambo
Norte)
