ni
Franklin P. Gumapon
DIPOLOG CITY, May 29 (PIA) - - Nangulo si Pangulong Benigno Simeon C.
Aquino sa paghinumdum sa ika 75 ka tuig nga kasumaran sa pagkatukod sa
Government Service Insurance System (GSIS) sa ulohan nga buhatan niini sa
dakbayan sa Pasay kagahapon.
Ang Pangulo kauban nila ni House Speaker Feliciano Jr. ug Finance
Secretary Cesar Purisima miduyog sa mga opisyales ug empleyado sa GSIS nga
gipangulohan sa Presidente ug General Manager Robert Vergara sa pagsaulog sa kasumaran
sa maong buhatan.
Sa iyang mensahe, si Pangulong Aquino midayeg sa GSIS sa gihimo niining
lakang arun matabangan ang mga kawani sa gobyerno nga nanginahanglan ug tabang.
Gipasabot sa Presidente nga 75 ka tuig ang nakalabay nga ang GSIS
nakatuman sa iyang obligasyon sa pag-tabang sa mga membro nga nanginahanglan ug
arun matabangan nga makabaton ug maayong pagpuyo.
“Ang paghatag ug pension, pahulam ug uban pang benepisyo naghimo sa GSIS
nga maoy dangpanan sa mga kawani sa kagamhanan kinsa maoy mihatag sa ilang
kusog, kahago ug panahon sa pag-alagad sa gobyerno,” pasabot sa Pangulo.
Natukod pinasikad sa Commonwealth Act 186 kaniadtong Nobyembre 14, 1836,
ang GSIS maoy gitahasan nga modumala sa social security benefits, compulsory
life insurance, optional life insurance, retirement benefits, disability
benefits ug uban pang benepisyo sa mga kawani sa gobyerno.
Gikalipay sa Pangulo Nasud, nga sulod sa duha ka tuig sa iyang administrasyon,
ang mga kausaban nga gipatuman sa GSIS nagsugod na pagpamunga ug kaayuhan alang
sa mga membro.
Dugang pa sa Pangulo, ang GSIS ubos sa pagdumala ni Vergara ug ni
Chairman Daniel Lacson nakahimo sa pagpatuman ug mga lakang alang sa kaayuhan
sa may 1.7 milyones ka membro. (FPG/PCOO/PIA-Zamboanga del Norte)
