Sa 2011 Gawad CES Awards ug mass oath-taking sa bag-o nga natudlo ug na-promote nga career executive service officers (CESOs) sa Malakanyang, si Ochoa nagkanayon nga ang public servants mahimong ahente sa kausaban ug pagpahunong sa iregularidad sa kagamhanan.
“Ayaw tuguti ang inyong mga kaugalingon nga mohimo sa mga kasaypanan nga inyong nakita sa kagamhanan. Dako kaayong tabang sa among kampanya batok sa graft and corruption,” matud pa ni Ochoa.
Si Ochoa ang mipasabot nga anag mga kalihokan sa bag-o pa lang natapos nga impeachment trial nga miresulta sa paghukum nga sad-an ni Chief Justice Renato Corona pagbudhi sa pagsalig sa publiko ug tataw nga paglapas sa batakang balaod ang mobukas sa mga mata sa publiko ug civil servants nga ang mga reporma ang gihimo sa administrasyon.
“Sa sinugdanan, kita ang nakahibalo sa mga suliran nga atong giatubang. Ang Graft and corruption mao ang nag-una sa listahan ug kini mao ang pinakamaayo nga higayon nga gihimo ilawom ning kasamtangan nga administrasyon aron pagpatuman sa mga reporma nga gikinahanglan aron pagpakigbatok sa graft and corruption,” ang Executive secretary nagkanayon.
Matud pa ni Ochoa nga siya ang malaumon nga ang administrasyon makahan-ay sa malign-on nga moral nga pundasyon sa serbisyo publiko ug mosumpo sa graft and corruption sa pagtapos sa termino ni Presidente Benigno S. Aquino III sa tuig 2016.
“Kining administrasyon seryoso ug komitado sa iyang kampanya pagpakigbatok sa fight graft and corruption,” matud pa ni Ochoa. “Kung kita nagtuo niana, dili kita masayop ug kita ang moabante ug maglihok,” dugang pa ni Ochoa. (GCC/PCOO/PIA9, ZamboSur)
