ni Claro A.
Lanipa
Pagadian
City, May 25 (PIA) – Gimandoan ni Public Works and Highways Secretary Rogelio
Singson ang tanang DPWH field officials ug engineers sa paghatag unang pagtagad
sa pagtangtang sa tanang butang nga nagbabag sa nasudnong kalsada (national
roads) duol sa mga eskuwelahan, pribado man o pampubliko. Nahilakip niini ang
mga vulcanizing shops, car wash shops, mga nagbaligya ug pagkaoan ug sari-sari
stores nga ilegal gitukod sa daplin sa kalsada duol sa mga tulunghaan.
“Kinahanglan
atong limpyohon ang sidewalks ug daplin sa kalsada aron maseguro luwas ang mga
tinun-an moadto ug mouli gikan sa ilang eskuwelahan. Ang mga esduyante walay
nay kapilian kon dili molakaw sa dalan, diin delikado kaayo alang kanila, ilabi
na sa mga dapit nga daghang molabay’ng mga sakyanan,” miingon si Singson.
Sa
iyang direktiba nga gipagawas sayo pa niini, gimandoan ni Singson ang iyang mga
field offices sa pagsubmitir sa inbentaryo sa tanang mga nagbabag sa road right-of-way
sa national roads, ilabi na niadtong mga permanenteng istruktura, aron kini
mahimong ipahibalo sa hingtungdan kagamhanan lokal ug sa mga ahensiya sa kagamhanan aron tangtangon kini.
Subli
gipadayag usab ni Singson ang mando mahitungod sa probisyon sa loading and
unloading bays sa mga national roads, diin adunay probisyon alang sa pedestrian
sidewalks o plataporma abay sa mga likoanan. “Kabahin kini sa nagpadayon
proseso aron ma-upgrade ang atong road safety standards,” matod pa ni Sec.
Singson
Gimandoan
usab ni Singson ang pagpintal sa tanang pedestrians crossing lines kon “zebra
lines” sa mga national roads atubangan sa mga tulunghaan, ilabi na sa mga
highly urbanized nga mga lugar o siyudad. Tukmang mga warning signs kinahanglan
ibutang usab, dugtong pa ni Singson.
Dugang
pa, gimandoan usab niya nga ipadali ang road improvement kon preventive
maintenance sa mga nasudnong kalsada ug kinahanglan matapos kini sa dili pa
magbukas ang klase sa Junyo 4 diin ubay-ubay ka mga sakyanan gilaoman mogamit niini. (DPWH/CAL/PIA9)
