ni Franklin P. Gumapon
DIPOLOG CITY, May 22 (PIA) - - Ang tinguha ni Pangulong Benigno Simeon C.
Aquino III nga maatiman ang kapobrehon naka-ani karo ug suporta human
gi-aprobahan sa Asian Development Bank (ADB) ang P480 milyones alang sa
lalawigan sa Albay.
Gamiton ang nasampit nga pundo gikan sa ADB alang sa pagpatuman sa
Kapit-Bisig Laban sa Kahirapan-Comprehensive and Integrated Delivery of Social
Services (KALAHI-CIDSS) program.
Gipasabot ni Deputy Presidential Spokesperson Abigail Valte nga ang
KALAHI-CIDSS program nahisubay sa implementasyon sa conditional cash transfer
(CCT) program sa Department of Social Welfare and Development (DSWD).
“Ang maong programa sa DSWD nagtumong nga tudlu-an ang mga benepisaryo
unsaon pagpadagan ang ginagmay’ng negosyo nga ilang pahimutangan sa dyutay’ng
puhunan,” matud pa ni Valte.
Gibutyag usab ni Valte ang pag-pagawas sa Department of Budget and
management (DBM) sa P318.5 milyones alang sa pagpalambo sa mga pampublikong
tambalanan sa Autonomous Region in Muslim Mindanao (ARMM).
(FPG/PCOO/PIA-Zamboanga del Norte)
