ni Alfonso T. Ruda
DIPOLOG CITY, APR. 19(PIA)--- Subling gipaklaro sa Malakanyang ang baruganan sa gobyerno nga resulbahon ang panag-ilog sa Pilipinas ug Tsina kabahin sa mga isla sa West Philippine Sea pinaagi sa diplomatikanhon ug legal nga paagi, dungan ang pagpahayag ug kompiyansa nga masulbad ang problema sa International Tribunal on the Law of the Sea.
Sa usa ka press briefing sa Malakanyang, gipahayag ni Presidential Communication Development and Strategic Planning Office Sec. Ricky Carandang nga nagpabiling lig-on ang baruganan sa gobyerno nga sulbaron ang problema subay sa kalibutanong balaod.
“Ang labing maayong paagi pagsulbad sa problema mao ang pagpaagi niini sa International law ug international legal procedures diin misaad ang tanang mga nasod nga mosunod niini , busa nangita kita sa malinawon, hapsay ug klarong solusyon sa problema nga gitawag sa Departamento sa Kalihokang Langyaw ug Baha de Masinloc” Matod pa ni Carandang.
“Angh tanyag sa DFA nga pag-adto sa ITLOS tipik niinang maong polisiya, ug sumala sa giingon sa Presidente, wala kitay planong mosulod sa gubat tungod lang niini. Kon mahimong sulbaron ang problema sa diplomatikanhon, malinawon ug legal nga paagi, dan kana ang atong gamiton, subay sa pagtamod sa atong baruganan nga resulbahon ang isyo subay sa international law, kana ang gitanyag nato sa Tsina,” midugang pa si Carandang.
Maoy gihisgutan ni Carandang ang partisipasyon sa tanang nalambigit nga nasod pagtuki ining maong butang ug makapangita ug labing maayong solusyon nga di na kinahanglang modako pa ang tensiyon.
Ang maayong balita nga misalmot sa sinultihay ang duha ka nasod ug parehong nangita ug solusyon nga maluwas ang ilang duha ka dagway dili na kinahanglang modako pa ang tensiyon.
Ang International Tribunal on the Law of the Sea maoy usa ka independenting judicial body nga gi-establisar sa United Nations Convention of the law of the Sea.
Ang Tribunal gilangkuban sa 21 ka mga independenting membro nga gipili sa mga twong dunay pinakataas nga reputasyon sa kaangayan ug integridad ug nailhang dunay katakos sa natad sa balaod sa kadagatan.(ATR/PCOO/PIA9-Zambo Norte)
