ni Claro A. Lanipa
Pagadian City, Mar 14 (PIA) – Sa tinguha aron pagtabang sa pagtuboy sa lokal nga ekonomiya, ang Department of Social Welfare and Development (DSWD)- Cordillera Administration Region nakig-sagabay sa Benguet Vegetable Processing Center sa Benguet State University (BSU) isip sinugdanan mipalit sa 6,384 ka mga pakete sa veggie noodles sa bili sa P60,000. Subay kini sa memorandum of agreement tali sa DSWD-CAR ug BSU.
Matod pa sa DSWD, ang vegetable-enriched instant noodles gihimo sa BSU mas masustansya ug mahimong tigumon sa mas taas nga panahon, kaysa instant noodles nga gibaligya sa merkado. Ang instant noodles kabahin kanunay sa relief packs nga giapod-apod sa DSWD panahon kon adunay mahitabong kalamidad. Gilaoman ang DSWD mopalit pa gayud ug dugang mga veggie noodles aron gamiton ug iapod-apod panahon sa disaster relief operations.
Aduna poy plano ang DSWD aron sa pagtuboy sa veggie noodles ngadto sa ubang mga buhatan rehiyonal, nasudnong ahensiya sa kagamhanan, non-government organizations, ug kagamhanang lokal nga naglambigit sa disaster relief operations ug niadtong mga grupo nga nag-implementar sa supplementary feeding programs isip alternatibo sa commercial instant noodles. (DSWD/PIA9/CAL)
