ni Alfonso T. Ruda
DIPOLOG CITY, DEC.
15(PIA)—Naandam na
sa Government Service Insurance System(GSIS ang kinatibuk-ang 1.62 bilyones ka
pesos nga Christmas Cash Gifts sa kapin sa 200 mil ka mga pensiyonado sa
gobyerno karong tuiga.
Si
GSIS President ug General Manager Robert Guevarra nagkanayon nga ila nang
naaprobahan ang pagpagawas sa pondo para sa Cash Gift nga naandang gihatag sa
mga eligible active old-age, retirement ug disability pensioners nga nagdawat ug binulang pensiyon hangtud sa
Disyembre 15, 2011.
Gipatin-aw
pa ni Guevarra, nga dunay mga pensiyonado nga dunay suspended status hangtud sa
Disyembre 31, 2011 nga mahimo pang maka-activate sa ilang status sa Abril 30,
2012 mahimo pa gihapong makadawat sa maong cash gifts.
“Amo
nang i–credit ang cash gift sa tagsa-tagsa ka account sa mga pensioners sugod karong adlawa,” matod pa ni Guevarra.
Matod
pa ni Guevarra, ang mga GSIS pensioners nakadawat ug kapin sa 10 mil pesos nga
Christmas Cash Gift niadtong miaging tuig, “hatagan sa susamang kantidad nga
katumbas sa ilang binulang pensiyon apan dili molapas sa 12,600 mil pesos.”
“Kadtong
nakadawat ug ubos sa 10 mil pesos nga
Christmas Cash gifts niadtong 2010 makadawat usab ug cash gift nga katumbas sa
ilang kasamtangang binulang pensiyon hangtud sa sa 10 mil pesos.”
Gipahayag
usab sa hepe sa GSIS nga ang mga pensioners nga nakapadayon ug dawat sa ilang
regular nga binulang pensiyon human niadtong Disyembre 31, 2010 (human ang 5-year guaranteed period) hatagan sa kantidad
nga katumbas sa ilang binulang pensiyon hangtud sa labing taas, 10 mil pesos.
Ang
1.62 bilyones ka pesos nga Christmas Cash Gift nga gipagawas sa GSIS karong
tuiga mas taas ug 2.32 porsiento kay sa 1.32 bilyones ka pesos nga Christmas
Cash Gift nga napagawas sa nasangpit nga ahensiya niadtong miaging tuig.(ATR/PIA9-Zambo Norte)
