DIPOLOG CITY, DEC.
16(PIA)---Suspendido
na ang operasyon sa military batok sa mga rebelding Komunista sugod karong adlawa, Disyembre
16, 2011 hangtud sa Enero 2, 2012.
Kini,
human gideklarar ni Presidente Benigno Aquino III ang 18-ka adlaw nga uniltateral
ceasefire uban sa mga rebelding komunista isip panahon sa Pasko.
Ang
deklarasyon gibutyag sa Presidente, human nga iyang gipirmahan ang 1.816 trilyones
ka pesos nga nasudnong budget para sa tuig 2012.
“Dunay
suspensiyon sa operasyon sa military sugod karong Biyernes, Disyembre 16, 2011
hangtud sa Enero 2, 2012 subay sa rekomendasyon sa Office of the Presidential
Adviser on The Peace Process ug Department of National Defense,” matod pa ni
Presidente Aquino.
Kasunod
niini, gimanduan sa Pamuno Nasod ang mga tropa sa military nga isupende ang
ilang opensiba batok sa mga rebelding Komunista ug mobalos lamang kon unang pabuthan.
Sa
samang higayon, gimanduan usab ni Presidente Aquino ang mga negosyador sa
gobyerno nga magpabiling naka-focus sa pagsubay sa dalan sa kalinaw padulong sa
pagkab-ot sa usa ka makiangayon ug kasulbaran sa pipila na ka dekadang problema
sa insurhensiya sa nasod.(ATR/PIA9-Zambo
Norte)
