ni Claro A. Lanipa
MANILA, Nov. 8 (PIA) -– Ang Malakanang mipahimangno sa mga negosyante nga nagbaligya sa mga substandard Christmas lights ngadto sa publiko aron malikayan ang sunog ug aron maseguro ang kaluwasan sa katawhan ug sa pagpanalipod sa mga kabtangan niining umaabot nga pasko ug bag-ong tuig, matod pa sa usa ka opisyal sa Palasyo ning bag-o lang.
Sa usa ka interview sa radio sa kaulohan, si Presidential Spokesperson Edwin Lacierda miingon ang mga Christmas lights nahilakip sa mandatory product standards ug kinahanglan ibaligya lang kini uban sa product quality mark, kon ginama dinhi sa Pilipinas, apan kon imported kini o ginama sa gawas sa nasud kinahanglan aduna kining International Code Council (ICC) certification mark.
“Naglaom kami nga ang mga negosyante mosunod niining mga lagda. Ug sa kabahin sa kagamhanan, and Department of Trade and Industry (DTI) anaa sa ibabaw sa maong situwasyon karon aron sa pagsanta sa mga mabadlungong negosyante nga nagbaligya niining mga makuyaw nga mga kagamitan,” miingon si Lacierda.
Sa susamang higayon, si Lacierna mipahimangnon sa publiko nga magbinantayon sa pagpalit niining mga produkto pinaagi sa pagtan-aw gayud sa product quality mark o ICC certification. Magbinantayon gayud ug dili nato isakripisyo ang kinabuhi sa miyembro sa atong pamilya. Dako kini ug peligro kon mopalit kita sa mga baratong butang, apan moresulta unya sa sunog,” miingon siya.
Ang DTI nagpakay-ag na sa mga market monitoring teams aron sa pagsakmit sa tanang produkto nga makit-an nga wala mosubay sa mga lagda.
Ang kagamhanan mipahimangno usab sa mga nagbaligya sa wala napamatuud kon uncertified nga mga produkto pagasilotan gayud. (JPA/CAL/PIA9/ZamboSur)
