ni Claro A.
Lanipa
Pagadian
City, July 11 (PIA) – Si Interior and
Local Government Secretary Jesse Robredo ning bag-o lang mibahad sa bug-at nga
silot batok sa tanang hingtungdan hepe ehekutibong lokal – gikan sa governors,
city ug municipal mayors, lakip ang mga barangay chairmen – kon dili sila
motuman sa direktiba ni Presidente Benigno Aquino III alang sa total log ban sa
tanang natural ug nahabiling kalangsangan sa nasud.
“Katungdanan
sa mga hepe ehekutibong lokal sa pagpatuman sa tanang balaod ug ordinansa nga
may kalimbigitan sa pangagamhanan sa LGU ug sa paggamit sa gahum niini, lakip
na ang direktibang presidensyal sa hingpit nga gidili ang pagputol sa kahoy, miingon
ang hepe sa DILG.
Ang
pahimangno gipagawas pipila ka adlaw human nasakmit sa mga otoridad ang 7,255
ka mga pirasong ilegal giputol nga kahoy, nga adunay bili sa P16 milyon sa
Butuan City samtang kining mga kahoy pagadad-on unta sa processing plant sa
Cagayan de Oro City miaging bulan.
Matod
pa ni Robredo kon ang usa ka LCE mopakyas sa pagpugong sa pagsulod o pagdala sa
mga ilegal nga kahoy sulod sa ilang minandoan ginsakupan, tulubangon nila ang
bisan unsang paglapas sa total log ban ubos sa Presidential Executive Order No.
23 nga gipagawas niadtong Abril 2011.
Section
2 of EO 23 nagtanyag alang sa “deklarasyon sa usa ka moratorium sa pagputol ug
pagkuha sa kahoy sa natural ug nahabiling kalansangan sa tibuok nasud, gawas
kon ang pagka-epektibo niining Mando
Ehekutibo gibakwi na.”
“Tin-aw,
nga ang maong lakang nagpadayag sa tinuod nga tinguha sa kagamhanan sa
pagpanalipod sa atong nahabiling kalasangan pinaagi sa tanang hingtungdan LGUs.
Kon pakyas sila sa pagpatuman sa maong direktiba sa Presidente ubos sa EO 23,
tulubagon kini sa maong LCEs kon adunay mahitabo nga paglapas sa iyang lugar,”
dugtong pa ni Robredo.
Sa
pikas nga bahin, gipagawas usab ni Robredo ug laing direktiba ngadto sa hepe sa
PNP Gen. Nicanor Bartolome sa pag-apil sa implementasyon sa gitawag one-strike
policy kon sa diha-diha wagtangon ang police provincial directors o hepe sa
kapulisan nga nakit-an naglapas sa maong log ban o wala magbantay ang pagsulod
o paggawas sa mga ilegal nga kahoy sulod sa ilang gitahasang ginsakupan.
Matod
pa niya ang importanteng papel sa PNP sa kampanya sa anti-illegal logging
gihatagan’g dakong bili sa organisasyon sa kapulisan nga miapli kini sa bag-ong
gimugna Anti-Illegal Logging Task Force nga gipangulohan sa Department of
Environment and Natural Resources (DENR).
“Busa
si bisan kinsa nga miyembro sa PNP kinahanglan mopatuman sa tukmang
implementasyon sa logging ban sulod sa lugar diin sila gi-assign ug ang sangputanan sa paglapas, moatubang siya sa one-strike policy rule,” miingon si
Robredo. (DILG/CAL/PIA9)