ni Claro A.
Lanipa
Pagadian
City, July 18 (PIA) – Government chief
negotiator Marvic Leonen ning bag-o lang miawhag sa Moro Islamic Liberation
Front (MILF) aron mopadayon, matod pa ang duha ka mga partido anaa na karon sa
“pultahan sa usa ka kasabotan” atol sa gipahigayong 29th Formal
Exploratory Talks sa Kuala Lumpur, Malaysia.
Gihatagan
ug kamahinungdanon ni Leonen nga “kining administrasyon andam aron mamuhunan sa
hingpit ang usa ka mauyunon nga relasyon tali sa Nasudnong Kagamhanan ug ang
bag-ong autonomous politikanhong partido aron maangkon sa usa ka matuod, buhi
ug mapuslanong otonomiya.”
Gitaho
sa hepe negosyador nga ang nahitabong bag-ong kasabotan tali sa Government of
the Philippines (GPH) ug sa MILF, mahimong gamiton isip bayanan alang sa
umalabot nga kooperasyon.
“Nakighinabi
kame sa pipila ka mga komunidad nga mipakita sa ilang suporta sa mga mithi sa
MILF ug gihatagan usab kame sa higayon aron mopadayag sa among mga hunahuna sa
asembliya.” Matod pa ni Leonen ang maong tigum mao ang Bangsamoro Leader’s
Assembly, ang pinaka dakong konsultasyon sa pagka-karon sa Islamic armed group
nga gipahigayon sa Camp Darapanan,
Sultan Kudarat sayo ning bulan diin si Presidential Adviser on the Peace
Process Teresita Quintos Deles mao ang pinasidungang mamumulong.
Sa
susamang higayon, gibutyag usab sa hepe negosyador ang hingpit nga kooperasyon
sa Armadong Kusog sa Pilipinas (AFP) ug ang Philippine National Police (PNP)
maoy sa mga hinungdan nga nahimong nagmalampuson ang kalihukan.
“Mahinuklogon
kaayo ang relasyon. Mitoo ako tungod kay kini gitukod man ubos sa pagsalig ug
pagrespeto sa atong mga tropa sa matag usa ug sa usa ka panan-aw kon vision,” miingon
siya.
Isip
tubag, si MILF chair Mohagher Iqbal miuyon nga ang gitawag “momentum for a
peace settlement is at hand,” iyang gikutlo nga ang presensya ni Presidential
Adviser on the Peace Process Teresita Quintos Deles sa tigum sa Darapanan
“nagpadayag sa kaayohan alang sa mga umalabot nga sultihanay sa kalinaw.”
(OPPAP/CAL/PIA9)