ni Franklin
P. Gumapon
DIPOLOG CITY, July 27 (PIA) - - Taliwala sa tensyon tali sa mga nasud nga
miangkon sa West Philippine Sea, masaligon gihapon ang nasud sa Pilipinas nga
masulbad kini sa inamigo nga pamaagi.
Sa iyang press briefing karong bag-o didto sa Malakanyang, gipasabot ni
Presidential Spokesman Edwin Lacierda nga nagto-o ang Malakanyang nga makab-ot
ang malinawong solusyon sa maong suliran ilabina nga ang Association of
Southeast Asian Nations kamulo karong gapanday sa Code of Conduct on the West
Philippine Sea.
Dugang pa ni Lacierda nga sa susamang pamaagi, ang nasud sa China
naningkamot usab nga makab-ot ang malinawong solusyon sa tensyon nga may
kalambigitan ang Panatag Shoal.
Gipaklaro ni Lacierda nga padayong himoon sa Pilipinas ang de-escalation para mahumpay ang tensyon
sa West Philippine Sea. (FPG/PCOO/PIA-Zamboanga del Norte)